Qaraqan — Sıradan Adam

Qaraqanın "Sıradan Adam" mahnısı pop, rap, klassik xor ifası, həqiqi kukla teatrı və səssiz ağ-qara film janrlarının sintezi nəticəsində əmələ gəlib. Mahnının sözləri və mənası haqda aşağıda məlumat ala bilərsiniz.

Mahnı sözləri:

Sükutunun pərdə arxası
Onun ürəyində yarası
Sızıldayır səssiz
Geyindiyi yalanlardı onun qəsri

Onu qoruyası dünyadan
Hamı kimi sıradan adam
Cəmiyyətə təslim
Olacaq bu gün cəmiyyətə təslim

İki üstəgəl iki bərabər beş
Yaz qara ağdı, ağ isə qara
Geyin maskanı, sıraya keç
Artıq uyğunlaşdın onlara

Sıradan Adam, Sıradan Adam
Bax, gəlir sürünən adam, sürünən adam
Dəvət edin içəri, sevimli adam
Çünki bizim sürüdən adam, sürüdən adam

Sıradan Adam, Sıradan Adam
Bax, gəlir sürünən adam, sürünən adam
Dəvət edin içəri, sevimli adam
Çünki bizim sürüdən adam, sürüdən adam

Bir addım sağa
Çıxdım sıradan, deməli sağam
Mən deməli varam, deməli dünyanın gözünə dağam
Çünki mənim yox ağam və gözlərim açılıb
Qandalım qırılıb, qollarım azad
O biri qulların əllərini açıram

Yadam – özgəyəm hamınıza
Keçdim sərhədlərdən
Nəyi düşünmək olar və danışmaq olmaz
Qadağan bütün hədlərdən

Sənə öyrədilənləri unut dedim
Amma öyrədilənləri uddun
Sənə göstərilənlər göstəridi dedim
Amma göstərilənlərdən qorxdun

Deməli quyudasan, qorxdun, deməli dərədəsən
Keyfiyyətli pendiri sənə pulsuz verirlərsə, tələdəsən
Qorxdun, deməli sürüdəsən, qamçılayıb sürəcəklər
Canavar adıyla qorxudub
Sonda elə çoban yeyəcək səni

Uzaqdan Adam, Uzaqdan Adam
Bax, gəlir Düşünən Adam, Düşünən Adam
Ona olmaz içəri, təhlükəli adam
Çünki deyil bizim sürüdən adam, sürüdən adam

Uzaqdan Adam, Uzaqdan Adam
Bax, gəlir Düşünən Adam, Düşünən Adam
Ona olmaz içəri, təhlükəli adam
Çünki deyil bizim sürüdən adam, sürüdən adam

Sıradan Adam, Sıradan Adam
Qoy gəlsin sürünən adam, sürünən adam
Dəvət edək içəri, sevimli adam
Çünki bizim sürüdən adam, sürüdən adam

Sıradan Adam, Sıradan Adam
Qoy gəlsin sürünən adam, sürünən adam
Dəvət edək içəri, sevimli adam
Çünki bizim sürüdən, sürüdən adam

Qaraqan “Sıradan Adam” mahnısının mənası

Qaraqanın “Sıradan Adam” mahnısı fərqliliyin və azad düşüncənin cəmiyyətdə necə qəbul edildiyini əks etdirir. Mahnının vizual tərtibatı – kukla teatrı janrında çəkilmiş klip – bu ideyanı daha da gücləndirir. Əsas obraz olan “Sıradan Adam” cəmiyyətin qoyduğu qaydalara uyğun gəlmir, fərqli düşüncəyə sahib olduğu üçün tək qalır.

Klipin əvvəlində onun kasıb və uğursuz həyatı göstərilir, lakin eyni zamanda mədəni və fərqli biri olduğu vurğulanır. Bunu divarda asılmış Nizami Gəncəvi şəklindən anlayırıq. Cəmiyyətin getdikcə eyniləşən, fərqsizləşən insanlardan ibarət olduğu ideyası plastik əməliyyatlarla hamının bir-birinə bənzədiyini göstərən qəzet vasitəsilə çatdırılır. “Sıradan Adam” bu sürüdən biri olmaq istəmir, amma eyni zamanda qəbul edilməmək qorxusu yaşayır.

Klipin kulminasiya nöqtəsində o, əlində “2+2=5” yazısı ilə küçəyə çıxır, bu isə həqiqətlərin təhrif edildiyi bir dünyada insanların rahatlıq üçün yalanlara uyğunlaşdığını simvollaşdırır. O, nə qədər uyğunsuz görünsə də, yalanları qəbul etdikcə cəmiyyət onu özününkü kimi qarşılayır. Amma gerçək kimliyini qoruyanda, onu qəbul etmək istəmirlər, hətta ona hücum edirlər və sonda onu ruhi xəstə kimi xəstəxanaya aparırlar.

Mahnının əsas mesajı budur: fərqli düşünən, azad ruhlu və mədəni insanlar cəmiyyətin bayağı kütləsi tərəfindən sıxışdırılır, qəbul edilmir, hətta dəliliklə günahlandırılır. Cəmiyyətin gözündə fərqli olmaq təhlükəlidir, çünki fərqlilik onların yaratdığı Matriksə uyğun gəlmir. Mədrəsədə iştirak edənlər bu mahnının həqiqi mesajını daha yaxşı anlayacaqlar. Hər birimizin daxilindəki İcma insanı və Şəxsiyyət arasındakı mübarizə burada özünü göstərir.

Birinci Dərəcəyə Qoşul — İntibah səndən başlayır!

Instagram

Spotify

X

Qaraqanla İş birliyi və layihələrlə bağlı təkliflərinizi buraya göndərin

Rəsmi saytımız:

[LilSamad-dr]

Qaraqanın və Yaradıcı Birliyin düşüncəsini başa düşün ay millət. Camaat deyir indi diss yazacaqlar nə bilim flov edəcək. Adamlar Mədrəsədə dərs qoyur və kukla teatrlı səssiz filmli klip hazırlayırlar. Sizcə bu adamların vecinədir dünya? Halaldı əla iş! Böyük əziyyət çəkilib mahnı bir yana bu kuklaları düzəltmək nəyə desən işdir simvolika perfect!

[metinoghuz]

Dilimizdə maraqlı bir ifadə var. Bir şey xarab olanda deyirik ki, "sıradan çıxdı". Əslində adi bir söz kimi gəlir adama. Bu toplum (oxu: yarasa) sıradan kənara çıxmağı xarab olmaq, məhv olmaq kimi görür. Karvanqıranlar onları azdırıb hörümçək toruna salır. Hər birimizə sıradan çıxmağı arzu edirəm.

[knaykhan]

Şarkının ana mesajı şudur: Farklı düşünen, özgür ruhlu ve kültürlü insanlar, toplumun sıradan kalabalığı tarafından sıkıştırılır, kabul edilmez, hatta deli olarak suçlanır. Toplumun gözünde farklı olmak tehlikelidir çünkü farklılıkları, onların yarattığı Matrikse uymaz. Bu şarkının gerçek mesajını, medresede yer alanlar daha iyi anlayacaktır. Her birimizin içinde toplumsal insan ve bireysel kimlik arasındaki mücadelenin ne kadar güçlü olduğunu gösteriyor.

[copteraviator]

Və kukla teatrında pərdə arxasını görmüş uşaqlar
Oyuncaqların dediyinə inanmayacaq heç vaxt...

[metinoghuz]

Sevmədiyi işlərdə çalışan, nələrəsə görə məcbur qalıb susan, həqiqəti bildiyi halda "sıradan adamlar"ın içində qalıb zamanla "sıradanlaşanlar"ın ürək yanğısı ilə dinləyəcəyi bir şeydir bu.

[FirfirMirmir]

Sonda həkimin A-A-A-A-A deməsi, A romanında Anarın da sonda bu cür qışqırmasını yadıma saldı. Bir milyon dollarım kitabında da Anarın dəlixanada olduğu yazılmışdı. Belə olması məni həmişə sıxırdı. İndi videoda ruhi xəstəxanadan qaçması və onun yerinə həkimin qışqırması içimdəki o sıxılmanı götürdü bir növ✨

[ibaaniz]

çox sağ ol ki, beləsən, qaraqan. çox sağ ol ki, sənə "köhnə hamam, köhnə tas", "böyüməyib, hələ də yeniyetmələr üçün yazıb, oxuyur", "dirəşirsən, camaatı oyatmaqla məşğulsan, gördün alınmır. əl çək də" kimi bəsit tənqidlərə baxmayaraq öz yolunu dəyişmədən, fikirlərini zamanla daha güclü və təsirli şəkildə təqdim edirsən. çox sağ ol ki, səni daim digər reperlərlə müqayisə edərək, onlardan daha yaxşı bir şey çıxarmağını təkidlə gözləyən kütləyə meydan oxuyursan. çox sağ ol ki, hər kəs yalnız axınla getməyə üstünlük verdiyi halda, sən hələ də fərqlənməyi, düşünməyə vadar etməyi, qaldırdığın suallarla səs çıxarmağı seçirsən, ən çətin anlarda belə, "özün ol" deməkdən çəkinmirsən, hər şeyin üstündən bir daha keçirsən.
çox sağ ol ki, "böyümək, tərzini dəyişmək deyil, dərinləşməkdir" ifadəsinin canlı sübutusan.. çox sağ ol ki, iki üstəgəl ikinin beşə bərabər olduğu dünyada, hələ də iki üstəgəl ikinin dördə bərabər olduğunu göstərməyə çalışırsan.
var ol. həmişə. ❤️

[Aydan.V]

"Sənə öyrədilənləri unut dedim
Amma öyrədilənləri uddun"

[vusaletalib]

Ancaq bu qədər mükəmməl ifadə oluna bilərdi. Cəmiyyət düşünən və sorğulayan, sürüdən uzaq duran adamları ruhi xəstə dəli kimi görür . Artıq tək deyilik bizim sürümüz də getdikcə böyüyür.

[elgunletifov]

Qaraqan rep demir, amma bu cəmiyyətin repdən daha çox ehtiyacı olan şeylər var. İnsanlar artıq oyanmalıdır, QQ onları oyatmağa çalışır 💙

[Anonymous-]

Əlasan Qaraqan, HOST-un yaranma günü münasibəti ilə Dərəcəni təbrik edirəm

[salehvalehoglu]

Fərqliliyin iki istiqaməti var. İnsanlara səhvlərini, yanlışlarını, həqiqi köklərini, insanlığı xatırladan fərqlilik, insanlara səhvlərini, yanlışlarını, həqiqi köklərini, insanlığı unutduran fərqlilik. İkinci növ fərqlilik cəmiyyətdə daha tez yayılır. Çünki düşünmək zəhmətlidir. Düşünən adam hərəkətə keçməlidir. Hərəkət etmək üçün isə olduğun yerdən qopmalısan. Hərəkət etmək istəyib edə bilməmək xəstə edə bilər insanı. Və çox insan da ikinci fərqliliyə tərəf yönələrək özündən uzaqlaşmağı seçir. Özündən uzaqlaşmış insanın fərqliliyi fərqlilik deyil, parlamaq sevdası, görünmək arzusu, var olduğuna başqlarının gözündən təstiq alma əminsizliyidir. Bir-birini təkrar edən fenomenlər, ruhsuz məşhurlar, yalnız mənfəətə yönəlmiş səhnə adamları, mənasız birliklərin hamısı ikinci növ fərqliliyə yönəlmiş gücünün fərqində olmayan, özünü zəiflətmiş, öldürmüş insanlardır. Birinci növ fərqlilik isə bizi özümüzə qaytarar. Bizi təbiətə, həqiqətə, insanlığa qaytarar. Ruhumuzu öldürməz, əsinə qidalandırıb pöhrələndirər...
#intibahsəndənbaşlayır #ikincidərəcə #intibah

[blackblood]

"Sənə öyrədilən hər şeyi unut"
~A romanı

[heliosmusic]

Sürüdən ayrılıb, sürünün nə olduğunu izah edən şair özünü sıradan adam adlandırır. Sən necə də təvazökarsan şair 🖤

[elvinamrahli]

"1 addım sağa, çıxdım sıradan" deyib sola çıxan adam, gözəl işdir! Təbriklər!

[.khayala]

Hər kəliməsindəki, cümləsindəki dərin məna... Bir sözlə mükəmməl!

[shamilnuri]

HOST yarandığı tarixdən artıq 18 il ötür. İnsan inana bilmir həqiqətən də zamanın bu cür sürətlə keçdiyinə. Keçən il bu tarixdə "Zəncirbəndi", bu gün isə "Sıradan adam". Bu illər ərzində heç bir dəfə belə olsun Qaraqanı dinlədiyim, kitablarını oxuduğum üçün təəssüflənməmişəm. Həmişə yolumuza işıq olmağa çalışmış bu adama sonsuz təşəkkür düşür. Çox sağ ol, düşünən adam, çox sağ ol. #since2007 #host #intibah

[AyxanAbdullayev-xx]

QARAQAN bu cəmiyyətə çox şey öyrətdi, hər bir sözü böyük bir mənadır onu başa düşməy üçün onun kimi düşünmək lazımdır

[huseynquliyev]

"Bax gəlir düşünən adam
Ona olmaz içəri, təhlükəli adam, çünki deyil bizim sürünən adam" bu ifadə cəmiyyətin ortaq düşüncəsini təmsil edir.Təşəkkürlər Qaraqan❤️

[Kvisiion]

Bir axmaq sürü yarada bilirsə bizlər ordu yarada bilərik düşünməyi bacaran, savadlı, məntiqli, ağıllı insanlardan ibarət ordu 🤌🏽