Əli Mirəliyev – Mən Bildim Bunu (1998)

sözləri: Vahid Əziz
musiqisi: Eldar Mansurov

I

Sənə əzablarım agah olmadı,
Əzablı sevginin gələrmi sonu?
Qəlbim alovlandı, haray salmadı,
Bir Tanrım, birdəki mən bildim bunu.

Dərdlərim üst-üstə yığılır qalır,
Yüngüllər sovrulur, ağırlar qalır,
Sevgilər çəkilir, ağrılar qalır,
Bir ağrım, birdəki mən bildim bunu.

Nəqarət:

Gözlərim rəsmindən ümid dilədi,
Baxışın gözümə qəzəb çilədi,
Axı ay sevgilim, hər vaxt belədi,
Bir şəklin, birdəki mən bildim bunu.

II

Gəlmədi illərlə gözlədiklərim,
Həsrətlə boylanıb izlədiklərim,
Nə oldu içimdə gizlədiklərim?
Bir ömür, birdəki mən bildim bunu.

Sən məndən ayrıldın gör nəyin üstə,
Bir dəfə bir gülə gülməyin üstə,
Məhv oldum dərdindən ölməyin üstə,
Bir dərdin, birdəki mən bildim bunu.

Nəqarət:

Gözlərim rəsmindən ümid dilədi,
Baxışın gözümə qəzəb çilədi,
Axı ay sevgilim, hər vaxt belədi,
Bir şəklin, birdəki mən bildim bunu.