Nigar Rəfibəyli - Durna

Показать описание

Şeir: Nigar Rəfibəyli - Durna
Səsləndirmə: Amaliya Pənahova
Musiqi: Nizami Əliyev - Küçələrə su səpmişəm

Biraddımla'nın sosial şəbəkə ünvanları:

NİGAR RƏFİBƏYLİ - DURNA

Mən
yuxuda durna oluram
gecələr,
Çırpıb qanadlarımı
yerdən üzülürəm.
Geniş-geniş havalarda səf çəkən
Durnaların qatarında düzülürəm.
Uçuruq uça bildikcə,
Uçuruq diyar-diyar...
Uçuruq - qəlbimizdə
Torpaqdan aldığımız
Ən şirin,
Ən incə,
Ən sevimli arzular.

Uçuruq uça bildikcə...
Bizə həsrət qalan ellərə
Qanad salırıq,
Uca-uca dağların başında
Əylənib qonaq qalırıq.
Torpağın ətrini aparırıq
Ulduzların aləminə.
Həyat səsi qatırıq
Göydə soyuq-soyuq işıqlanan
ayın yalqızlıq qəminə.
Səhər
şəfəqlər oyadır məni.
Sevinə-sevinə durub
Qalxıram ayağa:
Sonra bütün günü
Nə həvəsim olur,
Nə macalım,
Bir də yerdən üzülüb
durna olmağa.

Akif İslamzadə:
“... 1982-ci ildə Rəsul Rza dünyasını dəyişmişdi. Nigar xanımın da bundan xəbəri yox idi. Xəstəxanada yatırdı, ağır idi... Onun könlünü almaq üçün Emin Sabitoğlu Nigar Rəfibəylinin sözlərinə “Ala gözlüm” mahnısını bəstələdi. Yazılan kimi dedilər ki, mən söyləyim. Gecə qaralama kimi elədik. Dedik, sonra üstündə işləyərik. Səsi studiyada yox, ev şəraitində yazdıq. Piano ilə. Emin Sabitoğlu özü müşayiət edirdi. Yazıb Nigar xanıma eşitdirmişdilər. Və mən bu günə kimi düşünürəm ki, biz günaha batmışıq. Bəlkə də Nigar xanım qulaq asan kimi başa düşüb ki, Rəsul dünyasını dəyişib... Mahnının sözləri əvvəllər yazılmışdı... Amma mahnının oxunma tərzindən, intonasiyasından bu aydın sezilirdi. Düşünürəm ki, Nigar xanım şair qadın idi, incə qadın idi, duyğulu insan idi... Yəqin ki, mahnının oxunuşundan başa düşüb ki, Rəsul yoxdur... Allah keçsin günahımızdan!...“
#nigarrefibeyli #nigarrəfibəyli #durna #amaliyapenahova #amaliyapənahova #şeir #poeziya #şair #akifislamzade #akifislamzadə #alagozlum #alagözlüm #rəsulrza #resulrza #küçələrəsusəpmişəm #kuceleresusepmisem #biraddimla #biraddimlayol