Alma Papamihali - Vjeshtë xheloze

Më mori malli të ndihem xheloze,
ndaj prisja vjeshtën ndryshe për t´u ndierë,
s´më bie mendja për detin e fjetur,
për ngjyrën e bronxtë që mora në verë.

Unë prisja vjeshtën të shtrihesha mbi gjethe,
aty-këtu, të verdhesha dhe unë,
nuk thonë kot kur ndihesh xheloze,
je dashuruar mbase më shumë.

"VJESHTE XHELOZE" - Alma Papamihali.
(Shtegtim Pulebardhe)