Interviste me boksierin Sefer Seferi, ekskluzivsht për www.radiovala.com

Boksieri Sefer Seferi, Kampion në kategorinë WBF Internacional (Video)

Burgdorf, me 23 Prill 2016

Boksieri shqiptar nga Korita e Gostivarit, Sefer Seferi edhe pas 21 ndeshjeve mbetet i pamposhtur në boksin profesional. Në luftën kundër hungarezit Hubert Laszlo, Sefer Seferi arriti të shënoj fitore në raundin e dytë, duke fituar titullin Kampion në kategorinë WBF Internacional.

“Së pari desha juve t’ju falënderoj për mbështetjen që na e keni bërë pandërprerë. Natyrisht se ndjehem shumë i lumtur pas kësaj fitore, ku kundërshtari ka qenë shumë i vështirë, me përvojë shumë të madhe. Natyrisht se ndjehem shumë i lumtur që këtu më kanë mbështetur shumë tifozë shqiptarë, por edhe nacionalitete të ndryshme”, tha ekskluzivisht për Radio Vala, Kampioni i boksit në WBF Internacional, Sefer Seferi.

Seferi pret që gjatë muajit të zhvilloje një ndeshje gjigante.

“Kam një ofertë speciale, por varet tani se si do merremi vesh me kontratën, nëse marrëveshja shkon sipas planit mund të ndodh që edhe në Korrik një ndeshje gjigante, nëse jo atëherë në Shtator apo Tetor”, deklaroi Sefer Seferi.

Radio Vala nga afër e ndoqi mbrëmjen e boksit ku luftuan shumë boksier dhe kikboksier shqiptarë që jetojnë në Zvicër.

Vlen të theksohet mbështetja e madhe që boksierëve tanë iu dhanë nga publiku i madh shqiptarë, që përveç nga Zvicra kishin ardhur edhe nga Gjermania, Kosova dhe Maqedonia.

Mbrëmja e boksit u zhvillua në Sallën Markthalle në Burgdorf të Zvicrës.

K.Selimi /Radio Vala