Lumturi e mbrojtje, dy kristalet që duhet të gjenden në çdo shtëpi

Kristalet kanë qenë në planetin tonë për mijëra vite dhe janë konsideruar me fuqi thuajse magjike nga popuj të ndryshëm. Çdo kristal ka energjinë e tij të veçantë dhe aktivizon, mbron apo ndihmon mbajtësin e tij në qëllimet që ka.

Megjithëse disa prej tyre janë tepër specifikë dhe duhet të përdoren nga njerëz që kanë përvojë e njohuri me ta, ka dy kristale që secili prej nesh mund t’i mbajë. Fjorza Mullai, e ftuara e “Shije Shtëpie” në Tv Klan, shpjegon fuqitë dhe përfitimet e kristaleve që mund të mbajmë në shtëpinë tonë.

Fjorza Mullai: Amethyst është kristali më i fuqishëm antistres. Krijon qartësi mendore, balancë emocionale, qetëson retinën e syrit dhe ul hiperaktivitetin mendor, rrit përqendrimin, është gur lumturie. Nëse kemi fazën post-covid, është shumë i mirë për të ulur nivelin e ankthit dhe stresit. Është mirë edhe për në zyrë sepse ndihesh më i qetë, më i relaksuar dhe i përqendruar. Ideal edhe për studentët të cilët kanë nevojë për përqendrim.

Fjorza Mullai: Tourmalina është kristal që lidhet me mbrojtjen në të gjitha aspektet e saj. Ka shumë dokumentime historike që në Afrikë është përdorur në të katërt cepat e shtëpisë, rreth 6000 vite më parë. Mendohet se krijon një fushë mbrojtjeje. Është kristal që mund ta mbajmë në makinë për mbrojtje fizike e psikike, nga rreziku. Lidhet me aparatin tretës dhe dhimbjen e kokës, ndaj mund të lidhet në një çantë të vogël e të vendoset në bark. Mund të mbahet në hyrje të shtëpisë nëse mendohet se diçka e pakëndshme, e keqe nga ana energjetike vjen në shtëpi. Redukton edhe radioaktivitetin që vjen nga valët e telefonit.

#ShijeShtëpie në #TvKlan. Emision edukues, informues & argëtues me znj. Vjollca dhe Katerina Trungu. Çdo ditë me recetat e thjeshta dhe mbi të gjitha ekonomike te znj. Vjollca duke edukuar amvisat si të ushqehemi shëndetshëm. Rubrika të ndryshme me të ftuar specialë me këshilla të thjeshta praktike, të kuptueshme nga të gjithë, për çdo aspekt të të përditshmes. Argëtim, me muzikë dhe quiz, lojëra gjithëpërfshirëse që të japin atë dëshirën për të luajtur dhe për të komunikuar live me Katerinën dhe të ftuarit e saj. #FjorzaMullaji

SUBSCRIBE to “RTV KLAN” on YouTube for more videos!