NOTTE 'MBRIACA - Vincenza Purgato

#vincenzapurgato #cantautrice
Una danza tra il me scavato dentro, l'amore sacro vissuto di un uomo evanescente, di un Cristo sullo sfondo, avvolgente e rassicurante come di una mamma.

acquista l'album su

Testo e musica | Vincenza Purgato

NOTTE 'MBRIACA
Notte ’mbriaca nun m’arricordo chi so’ stata
dint’’a ’sti viche sto cercanno ’a strada mia …
Pure ’a luna me guarda cu’ suspietto …
luna chiena... ca siente ’stu dulore ’mpietto …

Abbracciame tu … Nun me fa perdere
na mamma ca t’astregne
quanno te vede ’e chiagnere
senza chiedere niente te cunzola, t’asciutta ’e llacreme …

Lacreme ca scenneno …
Chesta notte ’mbriaca …
ricordo sulo ’e vase
ca nce simmo date
vase ’e veleno e ammore
vase ’e gioia e dulore …
me porto dint’ ’o core ’o friddo ’e chist’ammore

Notte ’mbriaca i’ giro ancora int’a ’sta nuttata
Na chiesa è aperta, traso e m’assetto pe’ prià
Na croce me sta ’e rimpette
Figlio ’e Dio, nun te saccio cchiù parlà

Abbracciame tu … Nun me fa perdere
na mamma ca t’astregne
quanno te vede ’e chiagnere
senza chiedere niente te cunzola, t’asciutta ’e llacreme …

Guardame int’a ll’uocchie
chesta notte ’mbriaca …
Cercame int’ ’e suonne ca nun è peccato …
Dduje core ’nnammurate nun pônno stà luntane …
Sientelo chist’ammore … è Dio ca ll’ha criato …

Notte ’mbriaca nun m’arricordo chi so’ stata
dint’’a ’sti viche sto cercanno ’a strada mia …
Pure ’a luna me guarda cu’ suspietto …
luna chiena... ca siente ’stu dulore ’mpietto …

Ammore ’e verità
Ammore ’e libertà
Ammore senza spine
Ammore senza fine

Artista | Vincenza Purgato
Giosi Cincotti | Arrangiamento-fisarmonica - programmazione basso - percussioni
Edoardo Puccini | chitarra classica
Michele Maione | percussioni