Choinom - Нүцгэн биеийг алдаршуулъя

Р. Чойном - Нүцгэн биеийг алдаршуулъя
Comment хэсгээт үг нь байгаа.

1936 оны 2 дугаар сарын 10-ны өдөр Хэнтий аймгийн Дархан сумын Бор ухаа
гэдэг газар төржээ. Энэ үед эцэг Ренчин 31 настай, эх Рэгзэн 26 настай байжээ.
Subscribe хийж дэмжинэ үү...

[NomadMongols]

Нүгэл хэмээн маяглаж нүдээ таглахгүйгээр
Нүцгэн биеийн гоо үзэсгэлэнг бахдая
Шалиг завхай шунаг тачаалыг цааш нь түлхэж
Шалдан биеийн тэнгэрлэг сайхныг алдаршуулъя
Янаг минь, чи хувцсаа тайл
Ялгаа байхгүй өмдөө ч бас тайл
Ядам хуруун дахь бөгжөө ч бүү үлдээ
Яг л урд минь, бүрмөсөн нүцгэл
Алдарт зураачийн зурсан
Адам Ева хоёр шиг
Ариухан хүйснийхээ ягаан навчаар бүү хаа
Рафаэлийн бийрээр амилсан
Алиалангуй мод шиг
Алган дээрээ нар мандуулсаж хүүгээ өргө
Үүрийн туяа нэвт Афорадитийн дагина шиг
Үзсэн харсан бүхний нүдийг булаа
Яргуй дэлгэрч ятга уянгалтал инээд алдан
Янаг минь, чи хувцсаа бушуухан тайл
Ялдам хорвоотой анх ингэж л мэндэлсэн гээд
Яг л урд минь бүрмөсөн нүцгэл
Газрын холоос цанган анган тэмүүлсээр
Гал халуун урулаа нүүрэнд наан мансуурдаг
Гар хүрвэл хиртчихмээр тунгалагхан ариухан
Ган шиг цагаан цээжийг чинь би бахдая
Залуу насны чадал дуудсан оргил шиг
Замба тивийн тахилга нь болгон шүтмээр
Ганган шаазан ижилдүүлэн хөмөрсөн шиг
Ганган товчлуурт мээмийг чинь би бахдая
Занабазарын урласан дарь эх шиг
Заяасан биеийн гоо үзэсгэлэнг бахдая
Бүхэл зуунаар шагших дуулах найрагчдийн
Бүжин хархан нүднээс албаар доошлон
Бүлээн халуун амьд эсээр цангаа тайлан
Бүсгүй хүний нүцгэн биеийг алдаршуулъя
Тансаг дээд нейлон капроныг
Таар шуудай эсгийнээс би илүүтгэхгүй
Нүдэнд минь тээр болсон хувцсыг зайлуул
Нүцгэн биеийг онцгойлон би алдаршуулъя
Нүцгэн бие мандтугай
Нөмөрсөн хувцас нүгэл далдлан
Нүдээрээ тэрэнд бүү хууртан итгэ
Нүдний өмнө бүхнээ дэлгэн туяарах
Нүцгэн бие нүглээ нуудаггүй юм
Нүцгэн бие нүцгэн биенээс тасарна
Нүгэлтэй юм хаана байна?
Гүйлсийн өнгөт сайхан биеийг чинь
Гүйцэд харах хүслэн надад байна.
Усны цээлд жараахай булхах шиг
Уяхнаар туялзах бэлхүүсийг чинь магтъя
Жавартай шөнө зүрх халууцал энхрийлж
Жавхаалаг биений эцийг хүртэж хайрлаж
Хуурын хялгас шиг уян зөөлөн
Хун цагаан гарыг чинь би магтъя
Сар хиртэх шиг сүүдэрт нь туяарах
Сайхан цагаан хацарыг чинь би магтъя
Уруул хацраас чинь улам доошлуулж
Уудам хорвоотой учран золгохоор
Уйлан хайлан тэмүүлэн гарсан
Хамгийн анхны хаалгаа алдаршуулъя
Хүн бүхэн энэ л хаалгаар дуу алдан цуварч
Хүч дэлхийтэй анх удаагаа мэндэлдэг
Эр болгон энэ хаалгаар дуу алдуулан зүтгэж
Эм хүнийг анх хорвоогийн яруу сайханд хүргэдэг
Хүн бүхний мах цусанд шингэсэн
Хүндтэй ариухан энэ хаалгийг алдаршуулъя
Эрт эдүүгээ хэдийд ч гэсэн ерөн
Эр хүн эр хүнээс төрсөнгүй
Эгэл бие нь бүсгүй хүнээс төрснийг
Эрхгүй мөнхөд хичээнгүйлэн хүндэтгэж
Эр хүний итгэл хайраар ижилдэн дассан
Эмэгтэй хүний онгон цогцсыг алдаршуулъя
Энэ орчлонд өөрсдөө нүцгэн ирснээ санаж
Энгүй сайхан нүцгэн биеийг алдаршуулъя
Юм бүхнээс онцгойлон хайрлан шүтэх
Ертөнцийн эх болсон эмэгтэй хүнийг алдаршуулъя
Нөмөр газар булаалдсан зуны гоо цэцэг шиг
Нүгэлгүй ариухан нүцгэн биеийг үүрд алдаршуулъя

[bayasaanorwegianmongolian]

Aguu aguu aguu gehees heleh ug alga daa❤🙏