KƏŞMİRİN “QARA GÜNÜ”

Kəşmirdə yerli müsəlman əhalinin hüquqları kobud şəkildə pozulur. Bunu Pakistanın Azərbaycandakı səfiri Bilal Hayee Kəşmirin işğalının 73-cü ildönümünə həsr olunmuş tədbirdə deyib. Qeyd olunub ki, Kəşmir ərazisində koronavirus pandemiyasından öncə də lokdaun tətbiq olunurdu. Səfir həmçinin Hindistanın Kəşmirin demoqrafik mənzərəsini tamamilə dəyişdirməyə çalışdığını da vurğulayıb.
Tədbirdə Pakistan prezidentinin və baş nazirinin müraciətləri səsləndirilib. Müraciətlərdə 73 il bundan öncə baş verən hadisələrlə əlaqəli Kəşmir əhalisi ilə həmrəylik ifadə edilib. Qeyd olunub ki, kəşmirlilər öz evlərində həbs həyatı yaşayırlar. Beləliklə də Kəşmir dünyanın ən böyük açıq həbsxanasıdır. Hər il 27 oktyabr Kəşmirin qara günü kimi qeyd olunur.