Allohning zikri ila qalblar orom topmasmi?

Abu Said Al-Xudriy roziyallohu anhudan rivoyat qilinadi: “Muoviya roziyallohu anhu masjiddagi halqa (qurib o’tirgan odamlar) oldiga chiqib, “Sizlar nima uchun o’tiribsizlar?” – deb so’radi. “Allohni zikr qilib o’tiribmiz”, deyishdi. Muoviya: “Faqat shuning uchun o’tirganingizga Allohga qasam ichasizmi?” – dedi. “Allohga qasamki, faqat shuning uchun o’tiribmiz”, deyishdi. Muoviya: “Allohga qasamki, sizlarga tuhmat qilib (gapingizga ishonmay) qasam ichirmadim. (Ayni paytda) biron kishi Rosululloh sollallohu alayhi va sallamga mendek yaqin bo’la turib, mendan kamroq hadis rivoyat qilmagan (Ya'ni, Rosululloh sollallohu alayhi va sallamning qaynisi – Ummu Habiba roziyallohu anhoning ukasi, vahiy kotibi bo’lsam ham boshqa sahobalarga qaraganda ozroq hadis rivoyat qilganman. Shunday bo’lsa-da, sizlarga ayni mavzuga tegishli hadisni aytib beraman). Rosululloh sollallohu alayhi va sallam (bir kuni) sahobalarning xalqasi oldiga chiqib, “Nega o’tiribsizlar?” – deb so’radilar. Ular: “Allohni zikr qilib, bizni Islomga hidoyat qilgani, bu bilan bizni ne'matlantirgani uchun Unga hamd aytib o’tiribmiz”, deyishdi. Rosululloh sollallohu alayhi va sallam: “Faqat shuning uchun o’tirganingizga Allohga qasam ichasizmi?” – dedilar. “Allohga qasamki, faqat shuning uchun o’tiribmiz”, deyishdi. Rosululloh sollallohu alayhi va sallam: “Allohga qasamki, sizlarga tuhmat qilib (gapingizga ishonmay) qasam ichirmadim. Lekin mening oldimga Jibril kelib, Alloh azza va jalla sizlar bilan maloikalar oldida faxrlanishi haqida xabar berdi”, dedilar”. Muslim (2701/6751).

Bizning YouTube sahifamizda xuddi siz kabi ilm talabida bo'lgan mo'min-musulmonlarni safi yanada kenggayishiga o'z hissangizni qo'shishingiz mumkin. Youtube algoritmiga ko'ra bizning videolarga bosadigan "layk"ingiz hamda videoni yaqinlaringizga ulashishingiz foydali kontentning boshqalarga ham yetib borishiga sabab bo'ladi. Zero, siz boshqa birodaringizni hayrli amaliga sababchi bo'lsangiz, albatta, undan siz uchun ham ajratilgan savobi bo'ladi, InshaAlloh.

Videoga layk bosib, kanalimizga obuna bo'lishni va albatta, videoni yaqinlaringizga ulashishni unutmang!

#safinauz #abdulhamiddomla #maruza #zikr