“Темир дафтарга” киритилган хотин-қизларнинг сайёр қабули ўтказилди.

✅ Тошкент шаҳар прокуратураси хотин-қизлар бошланғич ташкилоти ҳамда Олмазор туман прокуратураси ходимлари билан биргаликда “Темир дафтарга” киритилган хотин-қизларнинг сайёр қабули ўтказилди.

▶️ Унда жами 53 нафар аёллар тадбиркорлик, бандлик, соғлиқни сақлаш, алимент ва оилавий ажримлар масалаларида ёрдам сщраб мурожаат қилишди. Қабул жараёнида 1 нафар мурожаат қилган аёлга соғлигини тиклаш учун шифохонада даволанишга ордер тақдим этилди, 2 нафар аёлнинг алимент пуллари ундириб берилди.

Шу билан бирга, сайёр қабулга келган барча хотин-қизлар тиббий кўрикдан ўтказилиб, малакали мутахассислар томонидан тавсиялар берилди. Тадбир иштирокчиларининг вақтини мазмунли ўтказиш мақсадида бадиий китоблар тақдим этилди.

Қабулда келиб тушган мурожаатлар шаҳар прокуратураси томонидан алоҳида назоратга олинган бўлиб уларнинг ижросини тезкорлик билан амалга ошириш чоралари кўрилмоқда.

🖌 Олмазор тумани ҳокимлиги
Матбуот хизмати