#moodпоэзия #аудиопоэзия Фариза Оңғарсынова 'Мен сізді ұнатамын'

"Moodпоэзия" - поэзиялық көңіл-күй. Әдебиет порталының айтулы жобаларының бірі. Жақсы ақынның жақсы өлеңін елге белгілі азаматтардың оқуында ұсынамыз. Бүгінгі автор - Қазақстанның халық жазушысы Фариза Оңғарсынова, бүгінгі өлең - "Мен сізді ұнатамын", қонағымыз - белгілі журналист, Орда FM радиосының жүргізушісі Майра Төлепберген.

[НазеркеСапарбек-дг]

Мен сізді ұнатамын.
Сізді ойлаумен атады бұл ала таңым.
Жалғыз арман жанымды жайлап алып,
сенделемін, үмітпен бүр атамын.
Түк еместей әлемдік айыптаулар,
не ұмтылған асқарым - жыр, атағым.
Мүмкін ессіз осы бір сезіміммен
біреулерді өксітіп жылатарым,
не өзімді даңқтың тұғырынан
мүмкін тіпті біржола құлатарым.
Жанса бағым,
бәріне де дайынмын - қарсы аламын,
қарсы аламын үзіліп қалса да әнім -
біреулердің қүңкілін, жазғыруын,
мысқылы мен өсегін - баршаларын.
Соның бәрі тұрмайды жалғыз ғана
сәтімізге қауышар, аңсағаным,
бірге жұтар ләззатты таң самалын.
Жырлап өтем,
белді будым алдағы сынға бекем,
арпалысам, асудан-мұңнан өтем.
Сізге жетер жолымда кешем бәрін.
мені тоқтата алмайды тұлға бөтен.
Арпалыссыз, армансыз, мұңсыз күндер -
жайбарақат тірліктің құндағы екен.
Соның бәрін, бәрін де сезімімнің,
сезіміңнің жолында құрбан етем!

[andomando]

Керемет!!!👏👏👏
Əдемі оқылды!!!
Тағы осындай өлеңдер оқылса...
Күтеміз.

[ГаппорБухарбаев]

Керемет оқыды және күтем даус өтте күшті .👏👏👏👏