Ұсақ бұзақылық жасағандарға үкім кесілді

Астанада темекі тұқылдары мен тұрмыстық қалдықтарды шашып, мас күйде өзгелердің мазасын алғандарға қатысты кезекті сот отырысы өтті. Тиісті кесім университетте студенттердің көзінше оқылды. Мамандар осы арқылы жастарды ұсақ бұзақылық жасаудан тиямыз деген үмітте.

Мұндай қылмыс жасағандар бірінші рет 10 айлық есептік көрсеткіш көлемінде айыппұл төлейді. Ал заңға қайшы әрекетін қайталаса, 10 тәулікке абақтыға жабылады.

Айдар Қазанғап, Учаскелік полиция инспекторы:

-Жыл басынан бері ұсақ бұзақылық заңы бойынша 601 материал қаралып, оның 34 азаматы әкімшілік қамауға алынды. Темекі тарту, ұсақ бұзақылық көп кездеседі.