«Усе мы родам з дзяцінства». Музей традыцыйнага ручнога ткацтва Паазер'я

Як зацікавіць юнага наведвальніка традыцыйным музеем, пазнаёміць яго з незвычайнымі экспанатамі і правіламі паводзін, як зрабіць, каб было цікава і незвычайна, каб ён прыйшоў да нас яшчэ? Сучасны музей павінен быць інтэрактыўным... Галоўнае — паказаць, што ў нас цікава! Яшчэ ў раннім узросце неабходна зразумець, што музей — гэта класна, не гледзячы на тое, што нельга бегаць, кранаць прадметы рукамі, гаманіць, але магчыма набыць новыя веды, атрымаць першыя навыкі рамяства, глядзець і гуляць!
Зацікавіць магчыма вандраваннем — гэтага дастаткова… Давайце разам адправімся ў падарожжа ў часе і прасторы… паглядзім, як жылі раней і як захоўваецца спадчына продкаў з пакалення ў пакаленне ў нашым жывым музеі.