Pandemiya və müharibədən milyardlar qazanan ailə kimdir? - BAKU TV

Please watch: "Огорожено Каспийское Море - Баку ТВ"
Pandemiya və müharibədən milyardlar qazanan ailə kimdir? - BAKU TV

Aktual xəbərlərimiz

Koronavirus pandemiyası bitmədən Rusiya-Ukrayna müharibəsi başladı. Pandemiya kənd təsərrüfatı məhsullarının istehsalını azaltmışdısa, müharibə ümumiyyətlə ixracatı dayandırdı. Dünyada ən çox toxum və taxıl məhsulları ixrac edən beş ölkədən üçü - Hindistan, Rusiya və Ukrayna bu məhsulların satışını məhdudlaşdırdı. Bura Qazaxıstan və digər dünya dövlətləri də qoşuldu. Nəticədə Afrika başda olmaqla, dünyanın bir çox ölkələrində milyonlarla insan aclıq təhlükəsi ilə üz-üzə qaldı.
Lakin bütün bunlar baş verərkən dünyada bir qrup insan sərvətini artırmağa müəssər oldu. Belə ki, pandemiya və müharibə dövründə qida məhsullarının kəskin bahalaşması fonunda 62 yeni qida milyarderi meydana çıxıb. Maraqlıdır ki, bu milyarderdən 4-ü eyni ailənin üzvləridir. Söhbət məşhur qida imperiyası sayılan “Kargil Kompani”nin sahibi Kargil ailəsindən gedir. Ailənin 2 il əvvələdək 8 üzvü milyarder idisə, indi 12 üzvü bunu bacarıb. Yəni pandemiya və Rusiya-Ukrayna müharibəsi ailənin 4 fərdinin milyarder olmasına zəmin yaradıb. Eyni dövrdə “Kargil Kompani”nin gəlirləri 63 % artaraq rekord səviyyəyə çatıb.
Lakin bu dövrdə tək milyardlar qazanan Kargillər olmayıb. Onlara Dreyfuslar və Bungenin davamçıları da qoşulub. Belə ki, beynəlxalq ticarətdə ərzaq məhsullarının monopoliyası, “Kargil Kompani” ilə birlikdə digər üç şirkətin nəzarətindədir. Onlar beynəlxalq taxıl ticarətinin 80, kənd təsərrüfatı bazarının isə 75 %-nə nəzarət edir. Sözügedən şirkətlər “Cargill”, “ADM”, “Bunge “ve “Luis Dreyfus Kompani”dir. Bu 4 şirkət ümumilikdə 205 milyon hektara yaxın ərazidə ərzaq məhsulları istehsal edir. Bu ərazilərin böyük bir qismi Afrika ölkələri, Braziliya, Filippin, İndoneziya və Laosda yerləşir. Şirkətlər dünyada, taxıl başda olmaqla, digər ərzaq məhsullarının qiymətini özləri müəyyən edir. Onlar hökumətlərdən mediaya, beynəlxalq təşkilatlardan xüsusi xidmət orqanlarına qədər müxtəlif sahələrə təzyiq göstərərək niyyətlərini gerçəkləşdirməyə nail olur.
Beləliklə, bu tipli şirkətlər nəinki müharibə və pandemiya şəraitində böyük pullar qazana, hətta lazım gələndə özləri bunu başlada bilərlər.

Sosial şəbəkələrimiz

©2021 - 2022 © All Rights Reserved ℗ Baku TV

Pandemiya və müharibədən milyardlar qazanan ailə kimdir?

#bakutv #xeberler #news #bakutvxeber #bakutv #bakutvnews #xəbərlər

[Abraham]

Cox maraqlidir.Demakratiya ve azad iqtisadiyyat budur yeqin en boyuk manapoliya)))