R.Lalbiaksanga - Aw Isu min kai ang che

Kum 2017 February thla ah Nasopharynx Cancer ka ni tih hriat chhuah ani a, March atangin May (thla thum chhung) treatment ka la a. Vawi 30 Radiation leh Chemo (12 cycle) therapy ka la a. Chumi ka lak zawh dawn lam, a vawi 25-na min hem velah chuan, ka ka chhung infection nasa tak avangin ka bei a dawng em em a, chil ka lem in ka mittui a tla a, chil ka chhak in ka chil a hnang a ka mittui a tla thova, ka taksa zawng zawng pawh a na a, thih mai ka in ring ta a, zan dar 10 vel ani a, Hospital corridor ah exercise ka la a, chumi lai chuan ka bei a dawng zual hle mai a, "Lalpa i awm ta lovem ni" tiin mittui tla zawih zawih in ka tawng tai a.

Chuta ka beidawn chu ka taksa in umzui nghal in ka chau ta ngawih ngawih mai a, room pawh chu ka thleng phei hlei thei tawh lova. Engtin tin emaw ka khumah chuan ka lawn kai thei hram a, Ka chilthli chu a tla nuaih mai a, ka zun chhuak pawh chu zung thei lovin khumah chuan ka cheh ta ringot a. Thi turin ka in buatsaih chu ani ber mai.

Chutiang chuan hun eng chen nge liam ka hre thei ta lova, thawk leh khatah van angel zai ri nimai in ka hria a. Aw mawi leh lian , muang fan raih mai hian he hla hi an rawn sa ruih ruih mai a. Zaipawl hian an rawn zai pui bawk a, a mawi em em mai a, chu chuan min rawn kai harh ta a. Aw Isu min kai ang che tiin beiseina thar ka nei ta ani.

He video ah hian, van zai ang thei ber, ka hriat thiam dan in kan sa a, mahse van zai ri chu engti kawng mah in a ang pha dawn lo ani. A hla hi a sei dawn avang in chang 1 & 2 leh 3 & 4 kan kawp ta ringawt mai a. Min hriatthiam kan beisei e.

I was diagnosed with Nasopharynx Cancer on February 2017.
I started taking my chemo( 12 cycles ) and radiation(30) therapy for 3 months.
By the end of my treatment infections in my mouth caused so much pain I began to lose hope,
I couldn't swallow or spit without suffering from the pain, I began to think I was slowly dying.
It was around 10pm while I was doing some light exercise in the corridor that a sense of despair fell upon me making me question if God had abandoned me

My body could not handle from both the mental and physical pain I was suffering,
I could barely reach my room, I some how managed to get onto my bed,
I lost control of my body, I was drooling everywhere and could not hold my bladder anymore,
I was ready to die right there.

I couldn't remember how much time had passed by as i lay there,
but just then, i heard a voice from heaven, a melodious and majestic voice,
the heavenly choir singing to me, Lord guide/light the way for me
this gave me hope when hope no longer seemed to be with me.

I tried to copy and imitate the heavenly voices as best I could in this video,
but never will the voice from man will ever be able to be as majestic and beautiful and the heavenly voices.

[chhanachhakc]

Pu LB, nangmah ang tho a cancer natna in a bawh buai mek ka ni. I testimony leh zai ngaihnawm tak kaltlangin Pathianin vawi tam tak min pawlin min ti chak thar fo thin. Lalpan zah ngai se i dam khua hrui ang lo sei se... Nangmah kaltlangin lungngai leh mangang a rum mek te Lalpan a thlamuan zel ka beisei.

[GabrielaGabriela-tnuy]

A nung khawp mai rilru leh taksa in a hre tlat, I theih tawp in Pathian fak leh mawlh mawlh mai rawh, Lalpan a mah faka zai turin a la duh che a ni ang, I natna ang dam chhuak leh hi an tam loh teh reng nen...⛪✝️⛪✝️⛪✝️⛪✝️⛪✝️

[chawhpawlhklangel]

He hla sa tawh zawng zawng, zaipawl leh Malzaiah pawh i thiam berin a nung ber e, min van hneh tak em.Ropui hle mai.

[maruatifanaifanaimami]

Mizo mipa Pathian hlasa ah chuan thiam ka ti ber thin, a zai hi belhchian a dawl a, ngaihthlak chian a dawl em2 a ni, a thiam ngoih2 a ni e, a hlathu a tha bok si, Pu L.b.a damreng se la, zai zel rawh se

[seniralte]

Ka Chhungah Van Lal a mu.. avan ropui em, Pu LBa zai hi chu ngaihthlak avan nuam tak em

[nu-i]

Damlai tuipui galili tufawnin min khuh mahse, Ka chhungah van lal amu, Atawk e, Lalpa nangnen Amen🙏🏻🙏🏻😢😢🙏🏻A va han nung hluah2 em ka nunah hian 🙏🏻

[madinavarte]

Ka pu, i testimony a va ropui em! Pathian ropuizia leh Amah hmutu nihlawh zia min hriat nawn tir e...Lalpa pasaltha, A rawngbawltu hman tlak i ni a, ni zel tur pawhin ka lo tawngtai pui ve che a nia

[rosangpuiiralte]

A va mawiin rilru a va khawih rem rem ve le, ngaoihthla leh tlut tlut mai teh ang.Pu Biaksanga Lalpan ti damin malsawm zel che rawh se.

[thangteichhakchhuak]

A van ril ropui em, Lalpa chatuan Pathian chu a nung ani....a satu dam reng ang che Pathian leh kan hnam leh ram tan rohlu i ni e.

[mameesailo]

Pu Lalbiaksanga hmuh hi chu a va han nuam em...Piangthar tih hrilhfiahna ni ber hian ka hria.
Pathian in awmpui che sela, amah fakin lo zai zel ang che..👍👍👍

[jovial]

Pu Biaksanga sak ngei hi ngaihthlak chakin ka enkual fo thin a, a tawpah ama sak ngei chu hei ka ngaithla thei ta a, ka van lawm em

[hriatpuiidarchhun]

Ka naupan tet a ta mizo zaithiama ka duh ber... Pathian tana i ke penna zawng zawng te a ropui ka ti a, lo damzel la, i zai mawi tak tak te kan lo chang zel ang.. 🙏🙏🙏

[damthuamakhiangte]

Damlai tuipui Galili
Tuifawnin min khuh mah se
Ka chhungah van lal a mu
A tawk e Lalpa nang nen, han tih hi a ril hle mai, keimahah Van Lal chu a awm tih min hriatthartir a a ropui. A satu lah hi a zaithiam vawng vawng em mai bawk si, ka nun min chawm hle mai, ka ngaithla ngun ka ngaihthlak apiangin min hneh riau a awm thin. Lalpa ropui nan ni se.

[zoeroyte]

Ka hla duh em em mai, ka zaithiam tih em em in i rawn sa hi ka va lawm em! I la zaithiam reng mai. Lalpa'n tichakin hruai zel che rawh se...
"Damlai tuipui Galili tuifawnin min khuh mahse, ka chhung ah van lal a mu, a tawk e Lalpa nang nen".
Amen 🙏

[sangikhiangte]

A van thiam ber mai tak em, , , mizo mipa ah Zaithiam ka ti ber.

.Zaithiam si.hmeltha si.
A cancer an tih ka hriat tirh kha chuan ka lo tliak hnawp thei..Lalpan damna an pe leh hi ka lawmpui tawp.vul zel rawhse

[AwmharRun]

A va ropui em!!! Ka zep lo ka sawi phawng mai ang. Kha tih lai khan ka rilru chuan "Mizo mipa zaithiam ka tihber te zing a mi chu reilote ah kan chan dawn a ni si a" tiin ka lo ui lawk em em mai che a. Mahse PATHIAN in a ropuina tarlan na atan a duh che a lo nizawk si...Damna leh hriselna tha neiin, LAPA ropuina puangtu lo ni zel teh khai..🙏🙏🙏

[hmunsiamaf]

Ka sorkar hnathawh laia Pathianin min tihreawm tu tur a ruahman thin dan thuneitu sang zawk SUANGLUNGPUI hriamin min hliam nat thin zia te kha aw!!!ka Lalpa tirh an lo ni thin reng hi a lo ni si.min hmangaih vang a ni si, tah loh a har mang e, .
Lalhumliana pawh ka hre chhuak tel thin, ka u rual ka nau ni si a nia

[zomuanpuiipachuau]

Amen Lalpan malsawmin chakna thar pe zel che rawh se

[emmanuelhkhawlhring]

He hla ka sak hniam viau hnu hian tum khat chu 'Pu R. Lalbiaksanga'n sa se a nalh ngawt ang' ka ti rilru keuh keuh tawh... Vawiin 26 May 21 hian ka ngaithla ta. Van nalh ve

[zoteicolney]

Pu LB, i va han thiam vawng vawng tak em...thinlung a hneh takzet..Lalpan, tichak in awmpui zel che rawh se.