Top News - Abazoviç shtyn mandatin e deputetit / Nuk do ta marrë deri në formimin e qeverisë së re

Kryeministri me mandat teknik në Malin e Zi, Dritan Abazoviç, tha se është i obliguar të kryejë funksionin e koordinatorit të Ministrisë së Punëve të Jashtme deri në formimin e qeverisë së re, dhe se nuk do të marrë rrogën e deputetit.
Abazoviç ka kujtuar se më 27 korrik është konstituuar mbledhja e 28-të e Kuvendit, ku është zgjedhur deputet dhe se mandati i tij parlamentar është verifikuar në seancën konstituive.
Në letër ai thekson se Kushtetuta parashikon që Presidenti dhe anëtari i Qeverisë nuk mund të kryejnë funksione parlamentare, ndërsa Ligji për Parandalimin e Korrupsionit parashikon detyrimin për dorëheqje brenda 30 ditëve nga fillimi i funksionit të dytë.
Siç shtoi ai, në të kundërt, anulimi i detyrës së kryeministrit do të cenonte rëndë parimin kushtetues të ndarjes së pushteteve nga neni 11 i Kushtetutës, do të bënte të pamundur balancimin dhe kontrollin e degëve të qeverisë dhe do t'i hiqte shtetit të gjithë ekzekutivin.

Pamje:AFP

Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.

Subscribe to "Top Channel" on YouTube Channel for NEWS and TV
#TopNews#Abazoviç#MaliZi