Ceyhun Bayramov İsrail XİN-in siyasi direktoru ilə görüşüb - BAKU TV

Ceyhun Bayramov İsrail XİN-in siyasi direktoru ilə görüşüb - BAKU TV

Sosial şəbəkələrimiz

Xarici işlər naziri Ceyhun Bayramov İsrail Xarici İşlər Nazirliyinin siyasi direktoru Aliza Bin Nunun rəhbərlik etdiyi nümayəndə heyəti ilə görüşüb.
Tərəflər ikitərəfli və çoxtərəfli münasibətlərin müxtəlif aspektləri, o cümlədən Azərbaycanla İsrail arasında iqtisadi, təhlükəsizlik, təhsil, yüksək texnologiyalar və digər istiqamətlərdə əməkdaşlığın perspektivləri barədə ətraflı müzakirə aparıblar.
Ceyhun Bayramov 2 ölkə arasında diplomatik münasibətlərin və ikitərəfli əməkdaşlığın inkişaf səviyyəsindən məmnunluğunu bildirib. Nazir İsraildə Azərbaycan səfirliyinin təsis edilməsinin münasibətlərin daha da inkişafına töhfə verəcəyini bildirib.
Görüş zamanı Ermənistanın Azərbaycana qarşı təcavüzkar siyasəti, ölkəmizin ərazilərinin 30 ilə yaxın Ermənistan tərəfindən işğalı, həmçinin 44 günlük Vətən müharibəsindən sonra ölkəmizin Ermənistanla münasibətlərin qurulması və sülh prosesi istiqamətində atdığı addımlar və təşəbbüslər barədə qarşı tərəfə məlumat verilib.
Aliza Bin Nun Azərbaycana səfər etməkdən məmnunluğunu bildirirək, burada yaşayan yəhudi icmasının 2 ölkəni birləşdirən körpü rolunu oynadığını bildirib.

Ceyhun Bayramov İsrail XİN-in siyasi direktoru ilə görüşüb

© 2022 © All Rights Reserved ℗ Baku TV

#ceyhunbayramov #israil #xin