HIGHNACHTE - WIEHNACHTSGEDICHT (Schweizerdeutsch)

So gsehts also öppe in mim Kopf us, wenns um d'Wiehnachte goht. Chli random, chli weird und viellicht au chli "Realtalk". Viel Spass mitem Gedicht & schöni Wiehnachte! :D

► Mis letzte Video:
______________

► Social Media
- Snapchat: aditotoro
- TikTok: aditotoro

► Musig?
- Outro: Rin - Vintage (Instrumental)
- No viel anderi chleini Songs :D
______________

► S'Ganze Gedicht:
Wiehnachte, die Ziit vom Joor wo s’Mami für eimol nid die einzig Gans im Huus isch,
will es git jo no die Gans ufem Tisch.

Dusse werde d’Kinder gstopft, wo sich nid chönne wehre,
dinne wird d’Gans gstopft, wo sich nid cha wehre,
das Gans-Stopfigungs-Verfahre chame sich echli so Vorstelle, wie bim rektale verkehre.

Rektales verkehren?
Wobii, es stimmt jo scho, will d Wiehnachte isch s Fest vo dr Liebi.

Jedoch nid s Fest vo dr Liebi vo dene wo eim wirklich wichtig sin,
sondern vo dene mit dr grösste Box und em tüürschte Gschänkli drin.

Anstatt Fest vo dr Liebi, eher Fest vo dr Wirtschaft.

Will s Fest vo dr Liebi isch das wo am 25. Dezember am Obe im Restaurant au no dr Wirt schafft.
Us welchne Gründ? Ebe dr Wirtschaft.

Schwizer würde sege:
Geld gits denn, wenn am 25. in dr Wirtschaft dr Wirt schafft und das wäge dr Wirtschaft.

Aber, me chönnt doch au eifach emol e Pause mache.
..chlii mit Kollege über dummi Sache Lache und grad jetzt e paar Guetzli-Bache.

Mailänderli, Brunzli, alles drbii,
Buttergipfeli, Spitzbuebe und Chrebelii,
wo bii das ganze mittlerwile doch chli langwiilig cha si.

Wie wärs drmit, und das muessi do jetzt useschreie,
anstatt Wiehnachtsgwürzt emol Weed in d Guetzli z’gheie.

Vorteil hätti das sicherlich,
also Stell die Guetzli ufe Tisch.

Mami, Papi sitze scho,
d Cousin die sin au grad cho.

Und warte muesch denn au nüm lang,
scho glii die ganz Wiehnachts-Gmeinschaft isch High wie in Amsterdam.

S’fangt langsam ah, es git es glächter,
d Frau meint ihre ma isch Fächter,
wieso hesch denn du in dr Hand e Dääge?
Frau, dasche Mässer zum d Wiehnachtsgangs versääge.

So langsam gspüüre alli s Pflänzli,
Normale Verstand macht e tänzli.
Also eigentlich muess me do nid liege,
alli sin wiene Weltruum-Rakete am fliege.

S’Grosi seit „ich chas chum glaube,
wieso duet jetzt die Wiehnachts-Gans do laufe,“
ich weiss doch nid, seit dr Opi,
und stopf sich none Brunzli iiih.

Lustig, Lustig, tralalalala,
sone Lachflash hani inde letsche 43 Joor nid gha.

Und am Bode unde wiene Sack,
liggt dr Cousin Luca und macht kei Rank.
Drzue, und jo das muess me säge,
duet me mit 3.5 Joor sone Space-Cookie warschinlich nid so guet verträge.

D Muette isch jetzt high wiene Giraff, findet alles zimmli toll,
sie isch nämmlig nid nur high, sondern au voll.
Voller freud duet sie in d Kuchi tanze,
und miteme Messer chli in dr Teflon-Pfanne kratze.

Dr Vater duet sich jetzt verkleide,
cha sich aber nid entscheide,
doch denne duet er sich zerst strecke,
und d Wiehnachtsgans ufe Kopf druff stecke.
Ey lueged mol, i bine Bird,
Oder eifach nur biz gstört.

S Glächter goh witer, no drnoo,
Usser d Sabrina, die hets au gno,
Alli hän gmeint si sig kurz use,
drbi duet sie unterem tisch mitem Luca pfuuse.

Sie sin höcher als alli Ami-Rapper,
und d Stimmig wir au immer besser.
2 Stund spöter isches still,
alli penne usser dr Phil,
de macht sich wegem Hungerflash no paar Wienerli ufem Raclett-ofe-Grill.

Wiehnachte, die Ziit vom Joor wo s’Mami die einzig Gans im Huus isch,
will die ufem Tisch weggloffe isch.

Dir gsehn, so schwierig ischs doch nid,
s brucht nur chli Muet und chli gschigg,
Gutzli gekonnt manipuliere,
und zack sin alli gmietlich am fiire.

Kei Strit am Familie Obe,
keine wo sich 10 Mol muess selber lobe,
alles eifach schön und loooose,
eifach e schönns Festli im Huus.

Wie ich uf de Text do cho bi,
ich weiss es nid.
Viellich hani eifach chli zviel Ziit,
uf alli Fäll e wilde Ritt.

Drum gniessed die Ziit und düent s Wiehnachts-Fest nid verderbe,
schliesslich wänd au dir emol das Gäld denn erbe.
______________

► Welli Programm benutzisch?
- Adobe Premiere Pro
- Adobe After Effects
- Adobe Photoshop

► Welli Kameras?
- Canon 80d (10-18mm & Sigma 18 - 35mm)
- Canon Legria Mini X
- Panasonic GH5 (Sigma 18 - 35mm)
- GoPro Hero 5
- GoPro Karma w/ GoPro Hero 5
______________

- G E S C H Ä F T L I C H E A N F R A G E N -


______________

AdiTotoro ische schwiizerdütsche Youtube-Kanal. Jedi Wuche chömme do Unterhaltigsvideos in ganz verschiedene Richtige. Das cha Comedy, Vlogs, Challenges oder au ernsti Themene sii. Wenns dr gfallt, chasch di gern durch mi Kanal klicke! :D

© AdiTotoro / De Bifferent

[Aditotoro]

Wie random isch das Video: 1-10? 😂
Dasch au s'letzte Video vom 2019 gsi. Mir gsehn uns im 2020, wo's denn richtig los goht! 🤟
Schöni Wiehnachte M8s 🎄

[prinznorin]

Like für es Poetry Slam BATTLE zwüsched em Adi und mir! 🔥

[finnburkart]

Also i werd I de wienachtsferie scho chli pflänzli rauche😂

[L.]

Ich folg dich sit 1000 abonnente und kei ahnig wieso ich immernonig abonniert han :)

[colin]

Hättsch de highnachten pulli vom GreeeN bruucht för das Video

[TSandy-hnop]

Hahahaha Adi du bisch eifach eh Legende🔥😂 wünsch der schöni Festtäg💞🎄

[meiko_]

Nice gmacht
Und i freue mi scho ufä DeBifferent drop ;)

[destinyzogg]

Din text isch mega guet gsy, amene slam hätt das sicher es 8/9 geh. Söttsch de text abr wirklich emol amene slam wölle vorträge, möchti dir e chleini warnig geh; dr text isch effektiv nur en text, en slam isch dr ahlass (so wiene grand-slam im tennis z.b).😊😅 und frohi feschtdäg wünschi^^

[qshad_mr]

De mit de Wirtschaft isch scho nice gsii
Ned schlecht Mus mer sege !

[janiboy__]

Dis Reimtalent moss mer Fire Mega texted!!! Machsch das no gärn schribe?? Es Buch öber schwyzer You tuber Szene schribe!! 😉👍

[brice]

was trausch dich fcz beleidige du ns🔵⚪️🔵⚪️

[thurgaudi]

Gabriel Vetter & Sebastian 23, lässt grüssen, du Adrian hast auch talent. Aber auch Renato Kaiser hat es drauf 😉(Mit ihm bin ich vor x Jahren ab Wien mit der gleichen Swiss Maschiene zurück geflogen in die 🇨🇭 ) Ein Sympatischer Kerl. Dein🎄 Weihnachtsgedicht, sehr GUT. Mache weiter auf diesem Weg

[Loiis-ggoo]

Inspiriert vo GReeeN wäge highnachten?