Зачатие праведной Анною Пресвятой Богородицы

Канон зачатию святой праведной Анной Пресвятой Богородицы
Припев: Свята́я прáведная Áнно, моли́ Бо́га о на́с.
Память: 22 декабря (09 декабря ст. ст.)
Глас 1.
__
Акафист святым праведным Богоотцам Иоакиму и Анне
Память: 22 сентября (09 сентября ст. ст.); 07 августа (25 июля ст. ст)
__
Тропарь на зачатие Пресвятой Богородицы, глас 4.
Днесь безча́дия у́зы разреша́ются,/ Иоаки́ма бо и А́нну услы́шав Бог,/ па́че наде́жды, роди́ти тем я́ве обещава́ет Богоотрокови́цу,/ из Нея́же Сам роди́ся Неопи́санный, Челове́к быв,/ а́нгелом повеле́в вопи́ти Ей:// ра́дуйся, Благода́тная, Госпо́дь с Тобо́ю.
__
Кондак на зачатие Пресвятой Богородицы, глас 4.
Пра́зднует днесь вселе́нная А́ннино зача́тие,/ бы́вшее от Бо́га:// и́бо та породи́ па́че сло́ва Сло́во ро́ждшую.
__
Свети́лен
Све́т Ро́ждшая, всю́ озаря́ющий тва́рь, дне́сь начина́ет прозяба́ти А́нна непло́дными ложесны́. Те́мже стеце́мся вси́, и́бо прии́де избавле́ние осужде́ния Е́вина.
__
На Господи, воззвах: стихиры праздника 3, глас 1.
Иоаким и Анна торжествуют,/ начаток рождше нашего спасения,/ едину Богородицу./ С нимиже и мы празднуем днесь,/ от корeне онаго Иессеева// блажаще Деву Чистую.
Боговместимая Отроковица/ и Богородица Чистая,/ пророков слава, Давидова Дщи/ днесь раждается от Иоакима и Анны целомудренныя,/ и Адамова клятва, яже на нас,// потребляется рождеством Ея.
Яже прежде неплодная страна/ землю плодоносну раждает,/ и от неплодныя утробы плод cвят давши, млеком питает./ Чудо страшно! Питательница Жизни нашея,/ Яже Небесный Хлеб во чреве приемши,// млеком от сосцу питается.
__
Преблагословенна еси Богородице Дево
Слава и ныне: Песнь ко Пр. Богородице,глас 2.
Преблагословенна еси, Богородице Дево, | Воплошщим бо ся из Тебе ад пленися, | Адам воззвася, клятва потребися, | Ева свободися, смерть умертвися, и мы ожихом. | Тем воспевающе вопием: || благословен Христос Бог благоволивый тако, слава Тебе.
__
Величание
Велича́ем вас,/ святии Богоотцы́ Иоаки́ме и А́нно, / и чтим святу́ю па́мять ва́шу,/ вы бо мо́лите за нас / Христа́ Бо́га на́шего.
__
Молитва праведным Богоотцам Иоакиму и Анне
О, святи́и пра́ведницы, Богоотцы́ Иоаки́ме и А́нно! Моли́те Милосе́рдаго Го́спода, я́ко да отврати́т от нас гнев Свой, по дело́м на́шим пра́ведно на ны дви́жимый, и да безчи́сленная прегреше́ния на́ша презре́в, обрати́т нас, раб Бо́жиих (имена), на путь покая́ния, и на стези́ за́поведей Свои́х да утверди́т нас. Та́же моли́твами ва́шими в ми́ре жизнь на́шу сохрани́те, и во всех благи́х благо́е поспеше́ние испроси́те, вся к животу́ и благоче́стию потре́бная нам от Бо́га да́рующе, от вся́ких напа́стей и бед и внеза́пныя сме́рти предста́тельством ва́шим нас избавля́юще и от всех враг ви́димых и неви́димых защища́юще, и та́ко в ми́ре вре́менное сие́ житие́ преше́дше в ве́чный дости́гнем поко́й, иде́же ва́шим святы́м умоле́нием да сподо́бимся Небе́снаго Ца́рствия Христа́ Бо́га на́шего, Ему́же, со Отце́м и Пресвяты́м Ду́хом, подоба́ет вся́кая сла́ва, честь и поклоне́ние во ве́ки веко́в. Ами́нь.
__
Электропемза
Shopping on ebay:

[mfvxbjo]

СЛАВА ТЕБЕ БОЖЕ, СЛАВА ТЕБЕ ЗА ТВОЮ БЕЗГРАНИЧНУЮ, БЕЗЦЕННЕЙШУЮ, ДРАГОЦЕННЕЙШУЮ СВЯТУЮ ЛЮБОВЬ К ПРАВЕДНОЙ АННЕ И К ПРАВЕДНОМУ ИАКИМУ!!! СЛАВА ТЕБЕ БОЖЕ ЗА ТВОЮ СВЯТУЮ МИЛОСТЬ, БЛАГОДАТЬ И ЛЮБОВЬ К ПРАВЕДНОЙ АННЕ И К ПРАВЕДНОМУ ИАКИМУ!!! 💖💖💖💖💖💖💖💖💖💖💖💖💖💖💖💖💖💖💖💖