Ιδιομελα Κυριακης της Αποκρεω

Ιδιόμελα Τριωδίου της Κυριακής της Αποκρεώ
Ήχος πλ.β΄
-Εννοώ την ημέραν εκείνην και την ώραν,όταν μέλλωμεν πάντες,γυμνοί και ως κατάκριτοι,τω αδεκάστω Κριτή παριστασθαι' τότε σάλπιγξ ηχήσει μέγα , και τα θεμέλια της γης σεισθήσονται, και οι νεκροί εκ των μνημάτων εξαναστήσονται, και ηλικία μία πάντες γενήσονται' και πάντων τα κρυπτά φανερά παρίστανται ενώπιόν σου' και κόψονται, και κλαύσονται, και εις το πυρ το εξώτερον απελεύσονται,οι μηδέποτε μετανοήσαντες' και εν χαρά και αγαλλιάσει,ο των Δικαίων κλήρος,εισελεύσεται εις παστάδα ουράνιον.
-Ω ποία ώρα τότε, και ημέρα φοβερά,όταν καθίσει ο Κριτής επί θρόνου φοβερού! βίβλοι ανοίγονται, και πράξεις ελέγχονται, και τα κρυπτά του σκότους δημοσιεύονται. Άγγελοι περιτρέχουσιν, επισυνάγοντες πάντα τα έθνη. Δεύτε ακούσατε βασιλείς και άρχοντες,δούλοι και ελεύθεροι,αμαρτωλοί και δίκαιοι,πλούσιοι και πένητες, ότι έρχεται Κριτής,ο μέλλων κρίναι πάσαν την οικουμένην' και τις αποστήσεται από προσώπου αυτού, όταν Άγγελοι παρίστανται,ελέγχοντες τας πράξεις,τας διανοίας,τας ενθυμήσεις, τα εν νυκτί και εν ημέρα; ώ ποία ώρα τότε! Αλλά προ του φθάσαι το τέλος,σπούδασον κράζουσα, ψυχή' Ο Θεός,επίστρεψον, σώσον με,ως μόνος εύσπλαχνος.
Ήχος πλ.δ΄
-Δανιήλ ο Προφήτης, ανήρ επιθυμιών γενόμενος, το εξουσιαστικόν Θεού θεωρήσας, ούτως εβόα' Κριτήριον εκάθισε, και βίβλοι ηνεώχθησαν. Βλέπε,ψυχή μου,νηστεύεις; τον πλησίον σου μη αθετεί' βρωμάτων απέχη; τον αδελφό σου μη κατακρίνεις' μη τω πυρί παραπεμπόμενη,κατακαής ωσεί κηρός,αλλ'ανεμποδίστως εισάξη σε Χριστός,εις την βασιλείαν αυτού.