Азида Миш 'Лащын и Уэрэд' circassian music

Показать описание

И бжьамиижьыр жьыуэ къегъаджэ,
И мэл гуартэшхуэр джабэмэ кlэрехуэ.
Нарт Амыщыжьыр си псэлъыхъукъэ,
Бэрэ къыслъыхъуами, сыхуэмейкъэ!

Мафlэр и lэгум къолыдыкlри,
Зэпылыдыкlыр и lэщlагъэщ.
Нартхэ Лъэпщ къаныр си псэлъыхъукъэ,
Бэрэ къыслъыхъуами, сыхуэмейкъэ!

И Тхъуэжьей цlыкlур лъэбышэ мащlэщ,
Езы цlыкlур жырщи, lэщэхуэфlкъэ.
Нартхэ Сосрыкъуэри си псэлъыхъукъэ,
Бэрэ къыслъыхъуами, сыхуэмейкъэ!

Цей lэфракlэ щэщlыр лъэпэд пхуримыкъу,
Уэ цей пхурикъуни сэ хэт езгъэджын?
Нартхэ Арыкъщауэри си псэлъыхъукъэ,
Бэрэ къыслыхъуами, сыхуэмейкъэ!

Афэ гъуэншэджиблыр къегъэлажьэ,
И къаугъэ лажьэми дэ димыкlи.
Нарт Ехъутэныджыжьыр си псэлъыхъукъэ,
Бэрэ къыслъыхъуами, сыхуэмейкъэ!

И шы пэхушхуэр насэ-пасэщ,
Езы цlыкlур есщи, lэщэхуэфlкъэ.
Ашэм и къуэ Ашэмэзыр си псэлъыхъукъэ,
Зы шу къыслъигъэхъуми, сыдэкlуэнут!