Customer Insights

يعني ايه Customer insights ؟
يعني رؤى العملاء...او رؤيا المستهلك....ايوة يعني ايه برضة؟
من الأخر يعني المستهلك عايز ايه؟ محتاج ايه؟ ايه اللي جواه و في ضميره و مكنوناته تجاه المنتج بتاعك؟!
طيب ما تيجي نبدأ من الأول خالص...
اتفقنا ان الماركتنج او التسويق عبارة عن علاقة ما بين طرفين...العميل اللي بيبحث عن منتج او خدمة تشبع حاجة عنده..و الطرف الثاني عبارة عن شركة بتقدم المنتج او الخدمة دي اللي هتعمل Satisfaction لل Need دي..فتحصل علاقة تبادل منفعة طويلة الأمد بين الطرفين..
علشان المستهلك او العميل يختار المنتج بتاعك دونا عن كل المنافسين يبقى لازم تكون بتحقق له اللي هو محتاجه في المنتج او الخدمة اللي هو عايزها..!
اللي هو محتاجه دة بقى..او الحاجات اللي لو توافرت في المنتج بتاعك هيكون ساعتها هو منتجه المفضل اسمها Customer Insights
طيب و دي اعرفها ازاي...؟
من كمية المعلومات الكثيرة جدا اللي بتجمعها من ال Customers..او اللي هم Already بيطلعوها من نفسهم عن رأيهم في منتجك او الخدمة اللي بتقدمها..
الناس بيتكلموا عن المنتجات من خلال ال Social Media زي فيسبوك و تويتر و انستاجرام مثلا..عن طريق المدونات..عن طريق البريد الالكتروني..عن طريق الفيدباك...
بيطلع كميات كبيرة جدا من المعلومات..اطنان من المعلومات..انت كماركتير بكل تأكيد مش هتستحمل و لا هتعرف تتعامل مع كمية الداتا الكبيرة جدا دي...بتستخدم المعلومات دي و تعمل لها فلترة..تطلع منها ب Customer Insights تستخدمها انت كشركة في تطوير المنتج او الخدمة اللي بتقدمها و اللي بالفعل ساعتها تكون بتقدم Value او قيمة للعميل بتاعك..!
تفاصيل اكثر في الفيديو...ازاي دة بيحصل..دي موضوعاتنا القادمة ان شاء الله
#Marketing_Research #Customer_Insights #Marketing #Efham_Marketing #افهم_ماركتنج