K. Hminga - Duhaisam (Official Lyric Video)

Lyric and tune by K.Hminga
Produced and performed by K.Hminga
Music by Blues_n_khuz
Recording, Mixing and Mastering by
Lyric Video by William Lalrindika
Blues_n_khuz (engineered by K.Hminga)

Ka hla leh rimawi min ngaihhlutsaktute chungah lawmthu ka sawi e.

HE VIDEO LEH AUDIO HI CHANNEL DANGAH UPLOAD PHAL A NI LO.

[lalrokungapautu]

To all who felt the vibe but can't comprehend the meaning..here is a rough translation( I hope it serves fruitful)

To have perfect love stories
We quest for perfect lovers;
Gorgeous as can be
Like tales of Lianchhiari and Lianchia,
Attitude, poise and figure
A dazzling sight for the populace envied by all;
Who would ever reject
Someone with such perfection?

(Chorus)
One who fills my fantasy
One who fills my fantasy,
The one who holds my heart
Despite all the flaws.


We scrape for flaws
Ever trying to find a flawless being;
Many a times wishes fade profusely,
Yet, we found none.
Has any unearthed a dirtless diamond?
Is there ever a person,
Born with perfect poise
Needless to be mannered?

(Chorus)
One who fills my fantasy
One who fills my fantasy,
The one who holds my heart
Despite all the flaws.

With such virtue bestowed upon
Evermore will my dreams be captured.

[JERONIMO_Channel]

A va tha leh pek em! "Duhaisam" i lam dan fawk fawk hi ka va duh e.. A chiang hle mai.. Mizo tawng hi i thiam hle a ni.. :)

[anthonylalruatpuia]

"Engti zia nge hepa hian he chawimawina hi a dawn ve an tih ai chuan, engtin nge hepa hian chawimawina a dawn loh an tih ka thlang zawk e", Mafaa Hauhnar. Chawimawi chawp ngailo, fak chawp ngailo, siam mawi chawp pawh ngai chuanglo chu K. Hminga ngei hi alo ni e. Damreng teh aw.

[vintagezee]

A guy once told me, 'I kalsan duhna aia i chelh hlen duhna a nasat zawk chuan.. chu ngei chu I duhaisâm a ni' 😊 Red ❤️

[Lalthanmawia__k]

Ka hla duh ber ni in ka ngai thla nin thei lo kei mah ang duh leh ngaiawm tih te in awm em like keuh

[Dash-kvvc]

Hmangaihna thawnthu ngaitnawm ziahpui tur zawng ve zawng LIKE ang👍👍👍👍

[chhakchhuakzunzam]

Lunglen ruam thim ata si ar Lalnu min pe a, Chu si ar Lalnu chuan hringnun diary min chhiar pui kim dap hnu in, kan tana si ar éng mawi tak chu, Awmlo ta la tiin Duhaisam ram chu min thlir pui leh i van hlu teh reng

[hmingteachhangte]

Ka ngaihthlak hmain ka comment, like nghal a ril lehnghal

[felaayalaarchive]

*K.Hminga zâi ka ngaithla ve a…*
_K.Remruatfela_

Ni tin zan tin mi thubuai hlabuai chi hrang hrang ngaithla a, ramri buai leh hri lengin min tuam laia kan ram economy khai chhuah dan tur ngaihtuaha patling leh taksa kuma pu te rual nen ringawta kan hmanhlelna kârah nimin chu ka zin kawng tluanin ka lo râlkhat hriat mai mai thin, K.Hminga zai ka han ngaithla/belchiang ve a, dârkâr chanve em pawh tlinglo zin kawnga K.Hminga hla chi hrang hrang ka han ngaithla chu, hriat loh kârah a hla thu zûnah min lo uai tir hman ta der mai a, zan rei leh vartian pawh sawi lovin ka ngaithla reng ta mai! Nizan zet kha zawng ka off phal tawh thlawt lo a ni ber!!

A hla thu chheh leh a music inrenkhawm te ka han bihchiang a, chumi hnuah thu tisaa a chan tirna kawnga a rilrua awm te, Zolanu ngaihnobei tak *Janis Hnamte'in* thiam tak maia a khawrhchhuah tirna Interview ka han ngaithla leh chiah phei kha chu _‘engtin nge hetianga talent nei tha, K.Hminga ang hi khuanu`n India hmarchhak kil tawpah hian a lo dah theih, '_ ka ti chhuak ta hial mai!’ Hmeichhiate ang lo takin mipa hian kan mipa puite hi kan fak khât khawp a, mipa meuhin a mipat pui talent a hmuh sak chuan, chu talent chu talent danglam bik a ni tih loh rual a ni lo! Nature behchhana thiam tak maia mihring induhtawna run thlâk tak a rawn puanchhuahna *‘Ka Hringnun Diary’* tih hla ka han ngaithla zet kha zawng, mitthlaah Oldies Country Singer chul thei lo, *Merle Haggard* ngei maiin ‘hnawl leh kalsan ni tawh mah ila, ka thinlunga hmangaihna dikin a fan beisiena nung ka neih hi a mit mai mai dawn lova. Ka lam a lo hawi leh hma chu chawlhsan mai ka tum lova, beidawng lovin ka nghak fan fan zel dawn a ni, ’ – *‘I`ve got no reason to quit’* a lo tih vawng vawng kha ka suangtuahna hlim thlaah a lo lang thar nghal uar uar a, hmangaihna luipui an tih mai, Mississippi luipuiah chuan ka pil tan ta der mai! Aw hringnun hian, kawprem tura tuah rem a nei ang hian, kawp rem lo tura duan sa an awm a nih dawn hi, ka ti vawng vawng mai. Hringnun tak hi chu aw...

Tichuan, khua ka luh hmain Ni a lo tla tan ta reng mai a, khaw dâi fêm ka han thlen meuh chuan van laizawla Chhawrthlapui pawh a lo langsar ta hle! Chutih hunah tak chuan K. Hminga hla bawk *'Zân zâi ri’* tih chu ka han ngaithla leh a, _‘Zân thim thiang dài zân zâi ri, Van hulhiap hnuai hramtin ri, Zân zaipawl ang an zai a, zân hla mawi an rem hian; Lairil lunglen pindanah hian lunglenin min tham a, Zan thim thiang dai zân zâi ri-an Lungrun, ka ngai thin che’, _ tih châng ka han ngaithla zet kha zawng, Oldies Country Singer aw pek thiam em em, *Roy Orbison`an*, khua hmun loh di neih chu tuipui vaukama khawhar taka mal tlat ang a ni. Tuifinriat tui vawn phûl hlup hlup ka hmuh a, van dumpawl thiang raih kâra arsi pe un mai ka han hmuh te hian Duhtak, ka va'n ngai thin che em! - _'California blue, dreaming all alone, nothing else to do, California Blue. Everyday I pray, I`ll be on my way, saving love for you, California Blue’, _ tiha lairil fan raih khawpa a lo inkhawrhchhuahna hla thu mawi tak kha ka hrechhuak vawng vawng mai. Keipaw'n, khua a tlai a, van a ngui a, kâwl a thim a, ni a liam a, zân a lo thlen a, van a thian hian, Lungrun, ka ngai em em thin che asin!

Chutia suangtuahna lipuia ka pil lai chuan hriatloh kârah ka chenna In tlâwm tak, ka parawl rûn chu ka lo thleng ta reng mai a. Nimahsela, K.Hminga hla zûnzâm mawlh chuan ka taksa pum min man beh tlat tawh avangin tâl chhuak turin chakna reng ka nei ta lova. Khawiah nge ka In chu a awm a, khawiah nge ka chhuk dawn, tih pawh ka ngaihtuah thei tawh lo! Chabi chu herh nungin K.Hminga hla thulkhung *‘Si-ar Lalnu’* tih chu ka play leh ta ringawt a, khawi lam ka zawh dawn tih pawh ngaihtuah chang lovin ka hma zâwn kawng awm ang angah chuan ka tlân thla leh ta tawp a. Amah K.Hminga`n a duhthusam lanu hnena _‘Aw ka lungdumtu, kei ka tan Si-ar lalnu; I lênna van thlirin, zaiin i hming ka awi e. Engti zâi zia nge ni, ka pheichhehah thang i kam em ni? Nge i mit mengah Zawllaidi a zâm zâwk?’_ a han tih vawng a, a chhunzawm nana, _‘I lung ka dum nan hian Van angel aw mawi leh Serafim-te rimawi pawh phût la, thihna thlan thim pelin ka han dil ang. Aw ka lungdumtu hnarna ànka min hlan suh, I tân ka tlin loh paw`n, buklung bumin min buk tling la: I zûnzâma châm luat vang em ni, I zûnah kei vala ka zâm tâk?’_ tih châng ka han ngaithla thleng zet kha chu kei Vala meuh pawh hi ka tliak hnâwp hi a ni ber mai! Tlân leh zel turin pawhin chakna reng ka nei ta lo!

Sap hla phuah thiam leh zaithiam *Bob Dylan`an*, a hmangaih tak, a enchim loh, a duhtak hnena, **_'Van ruah sur ten i sakhmel mawina te hliah tuma an rawn nuai châng che chuan chu ruah sur chuan a nan tawp lo ang che; Kei, i kiangah ka ding reng dawn si a. Zân si-ar êng ten i lung an tilenga an velh tah dawn che leh tumah i mittui hruk hul sak tu i neih dawn loh chuan i kiangah ka lo hnai ang a; kumkhuaa thlah leh ngai tawh lo turin ka lo kuah tlat ang che. Ka hmangaihzia che i hriat theih nan._** *(To make you feel my love)* ti-a hmangaihna thu thlum tak a lo fah mawlh mawlh thute kha thinlung leh ngaihtuahna zawng zawnga suangtuah pah neuh neuh chung chuan chu zân khawhar tak chu riang leh tlâwm takin ka suar tluan ta zak a….

[chhakchhuakzonuna]

'Ka duhaisam chu - a tlin lohna ka hmuh hnu pawha ka thinlung hneh tlattu'

Hla thu ropui leh nalh chungchuang a va ni em!!

K. Hminga rilru ṭhatzia leh puitlinzia a lang chiang hle mai.

Mi famkim leh sawiselbo a zawng lo. Khawvel pum hi fang chhuakin vawi 10 aia tam piang nawn pawh ni se chutiang mi chu a tawng dawn lo, sawisel bo leh ṭha famkim kan awm miau lova.

A hmangaih hmeichhia chu a famkim lohna leh a dik lohna zawng zawng nena hmangaih taka kuangkuah chungin, mihring ṭha zawk ni tura siam ṭhat tumna leh duhna a nei ta zawk a ni.

[bethellalrotluanga]

Hla phena thil awm, he hla phuahchhuak tura K.Hminga thil tawn hrechiang chak ve zawngin like ang aw!!

[rinmawia_M]

Zoram Rimawi Duhaisam - K.Hminga
MDM ho award tih vel a mamawh lo
Sailova te, Josepha te era hnuah hi chuan a Champion chiang e.

[zakulha]

K.Hminga hla reng2 hi chu athu ava tluangin a hlathu atang hian mi nun ngil tak anih zia hi a lang hliah2 ka chik ka chik hian.
Mi fel leh fello inkar hla tur a pawtzim a, mi hausa leh rethei inthlei tur chuang kan awmloh zia a hrilhfiah a.Tunah hei Mihring nuna pawimawh ber Kawppui chungchaga kan in iai tawn fona leh Archuktui lo khawpa inchhuah thin kan nihna chu Hla thu hmangin a rawn tuamdam a, mipa tamtak, hmeichhe tamtak thinlung hi i van tuamdam thar nasa dawn em he hla vang hian😢😢😢😢
Heihi Art chu ani e Art..Pu K.Art

[benjalynhna]

He hla vang hian ka nupui hi hriatthiamna nen ka en thin, mihring ka ni a, ka nupui tlin tawk lohna leh fel tawk lohna te kan ing ngaihzawn lai ai in ka hmuh hnem in ka hmu tam a, mahse he hla hi ka hre chhuak in ka rilru ah a lo lang K. Hming he hla hi i phuah lo ang tih hi ka van hlau em

[dintluangaralte]

K.Hminga i piang lovang tih hi a va hlauhawm em, i rimawi hi chu kan tu leh fa te pawn an la ngaithla chho zel dawn tih hi a chiang reng mai. Mizo te tan i hlut zia hi kan la hre chho dawn chauh a ni.!!!

[laisuihtuahrem]

A hit loh hlauh vang a Music Video hautak pui pui a mamawh ve lo..A chhehvel ah a buai a ngai ve lo..A thu leh hla leh rimawi te hi a dah pawimawh a, a luhchilh tak zet a ni..He hla ngaithla lo tur hian min tur lui duh suh u..Living Legend K.Hminga

[dgunners]

Tlinlohna hmuh hnu pawh a la duh tlat tu hi an hlu reng a ni. Chu chu Pathian in mihringte min hmangaihna zia pawh hi a niin ka hria.

[Randy-a]

Hla boral mai lo tur, a zira zir chet chet tham, oxymoron hmang thiam em em mai, Zirsangzela te anga hla thu hmang thiam em em, mihring nun darthlang fiah tak leh mawi taka tarlang thiam K. Hminga kan nei hi chu kan vannei ngawt mai.
Pu Mafaa kha la dam se, i hla hi a chai ve nasa ang chu aw. I hla te hi belhchian a dawl a, hla tihlatu (figure of speech) pawh i hmang thiam a. Kal zel rawh aw.
Hetah Thingsulthliah aṭangin...
Kan ngaisang che

[aafataafaki]

A hmei a pa in 'i duhaisam' nih kan chak!! Tlangvalho nen kan inchuh thin che, i hriat lohin...
'Such a thought-provoking lyric' min pe leh a, kan lawm e!!

[lalsiamliana]

He hla dedicate tu in neih ve chuan lo like keuh