Heydər Əliyev Parkı / Heydar Aliyev Park

Şəhərimizin tarixi, mədəni və turizm potensialını xarici qonaqlarımıza təbliğ etmək üçün sil-silə video çarxlar hazırlanıb.

Gəncə Turizm İnformasiya Mərkəzi / Destinasiya Menecmenti Təşkilatının təşkilatçılığı, gənc turizm könüllüləri və yerli qurumların dəstəyi ilə birgə hazırlanmış sil-silə video çarxlarda şəhərimizin tarixi və mədəni abidələri, gəzməli-görməli yerləri, yerli ənənələri ingilis dilində qısa promo çarxlarla təbliğ olunur.

Videonun qisa mətnini təqdim edirik:
Heydər Əliyev Parkı 2014-cü ildə inşa edilmişdir. Bir sıra turistik yerləri özündə birləşdirən parkda Şərq çinarı, şam, küknar və meyvə ağacları da daxil olmaqla, 350 mindən çox ağac və dekorativ bitki, 17 fəvvarə və 32 bəzədilmiş bağ sahəsi vardır.
Ərazisi 450 hektar olan parkın girişində, 30 metr hündürlüyündə Zəfər tağı yerləşir. Zəfər Tağının yuxarısından parka möhtəşəm mənzərə açılır.
Park-Kompleksinin ərazisində yerləşən Heydər Əliyev Mərkəzi, Amfiteatr, Gəncə Gənclər Mərkəzi və "Gəncland" - uşaqlar və gənclər üçün əyləncə və istirahət mərkəzi bura gələn qonaqların asudə vaxtını xoş keçirmələri üçün əla məkandır.
Parkda yaradılan suni gölün ətrafında turistlər gəzərək, KOİ balıqlarını və qu quşlarını bəsləyərək möhtəşəm bir təcrübə yaşaya bilərlər.

#GəncəDMT #GəncəTİM #GanjaDMO #ExperienceAzerbaijan #QərbMarşrutu #WestRoute #WestRouteAzerbaijan #HeydərƏliyevParkı