Fərəc duasi

Bağışlayan və mehriban Allahın adı ilə

İlahi, bizim bəla və müsibətlərimiz böyüdü və bizim çarəsizliyimiz çox aydınlaşdı. İşin üstündən pərdə götürüldü və ümidim ümidsizliyə çevrildi. Yer (bütün genişliyinə baxmayaraq) bizə daraldı və səmanın rəhməti bizdən əsirgəndi. Yalnız Sənsən bizim kömək və yavərimiz. Bizim şikayətlərimiz Sənədir. Hər bir çətinlik və asanlıqda yeganə arxalandığımız Sənin lütfündür. İlahi, Muhəmməd və onun Əhli-beytinə – İlahi əmrin (xilafət məqamının) sahiblərinə salavat göndər. Bizə onların itaətini vacib etdin və bununla onların məqamını bizə tanıtdın. Belə isə onlara xatir bizə fərəc və genişlik ver, özü də onu çox tez və yaxın, bir göz qırpımında və ya ondan da tez bir zamanda əta et. Ey Muhəmməd, ey Əli, ey Əli, ey Muhəmməd, mənə kifayət edin. Həqiqətən, siz kifayət edənsiniz. Mənə kömək edin, həqiqətən siz mənim kömək edənimsiniz. Ey mənim mövlam, ey Sahibəz-zaman. Fəryada yetiş, fəryada yetiş, fəryada yetiş! Məni dərk elə, məni dərk elə, məni dərk elə! Elə bu an, elə bu an, elə bu an. Tezliklə, tezliklə, tezliklə. Ey mehribanların mehribanı. Muhəmməd və onun pak Əhli-beytinə xatir.