Президентдан ижтимоий кўмак оилаларга етказилди

Давлатимиз раҳбарининг шу йил 30 июлдаги “Кам таъминланган ва ижтимоий ҳимояга муҳтож оилалар фарзандларини қўллаб-қувватлашнинг қўшимча чора-тадбирлари тўғрисида”ги ПҚ-5204-сон қарорига мувофиқ, жорий йилнинг август ойида айрим аҳоли қатламларига 500 минг сўм миқдорида бир марталик моддий ёрдам кўрсатилиши белгиланган эди.

Ушбу қарор ижросини таъминлаш мақсадида туман ҳокимлиги, Маҳалла ва оилани қўллаб-қувватлаш бўлими, сектор раҳбарлари томонидан тумандаги мавжуд 68 та маҳаллада истиқомат қилувчи 694 та "Темир дафтар"га киритилган 18 ёшга тўлмаган фарзандлари бор оилаларнинг 1 минг 731 нафар фарзандларига 500 минг сўмдан жами 865 миллион 500 минг сўм бир марталик моддий ёрдам пуллари манзилли равишда етказилди.

Жараён ушбу видеолавҳамизда.