Мелис Аспеков абактан ырайым менен бошотулду

Жаза аткаруу мамлекеттик кызматы (ЖАМК) активист Мелис Аспеков президенттин соттолгондорго ырайым берүү боюнча жарлыгынын негизинде 23-майда Молдовановка айлындагы №27 абактан бошотулганын билдирди.

Маалыматка ылайык, алты жылга соттолгон Аспековдун жаза мөөнөтү 2021-жылы 9-январынан баштап эсептелген. Президент Садыр Жапаровдун 2023-жылы 23-майда “Соттолгондорго ырайым берүү” боюнча жарлыгынын негизинде Аспековдун жаза мөөнөтү үч жыл сегиз айга кыскартылган.

"Аспеков абакта 2 жыл 4 ай 14 күн отурганы жана ырайым менен 3 жыл 8 айы кыскартылганы кошулуп жаза мөөнөтүн өтөп бүттү",- деп билдирди ЖАМК.

Мекеме “Мунапыс берүүнүн жана ырайым кылуунун жалпы принциптери жөнүндө” мыйзамына ылайык, ырайым берүү соттолгон адамдын жеке кайрылуусу менен караларын белгиледи. Ырайым берүү бул – сот чечими чыккан адамды толук же жарым жартылай жазадан бошотуу жана өкүмдү жумшартуу.

2022-жылы 23-мартта Биринчи май райондук соту Аспековду күнөөлүү деп таап, “Опузалап талап кылуу” беренеси боюнча алты, “Алдамчылык” боюнча да алты жыл чегерип, жалпы режимдеги колонияга жети жылга эркинен ажыратуу өкүмүн жарыялаган.

Ошол жылдын июль айында Бишкек шаардык сот өкүмдү өзгөрткөн. Анда райондук соттун өкүмүндөгү Аспековдун Кылмыш-жаза кодексинин (2017-жылдагы редакция) “Алдамчылык” беренеси менен күнөөлүү деп таап, бирок жоопко тартуу мөөнөтү өтүп кеткендиктен жаза чарасы берилген эмес.

Шаардык сот Аспековдун алты жылдык абак жазасы каралган “Опузалап талап кылуу” айыбын күчүндө калтырган.

2020-жылдын Октябрь окуясынан кийин бийликке келген Садыр Жапаровдун тарапташы болгон Аспеков 2021-жылдын январында “Кыргыз темир жолу” мамлекеттик ишканасынын жетекчилигинен “250 миң доллар талап кылган” деген шек менен кармалган. Буга байланыштуу ага Кылмыш-жаза кодексинин (2017-жылдагы редакция) “Опузалап талап кылуу” деген 208-беренесинин 2-бөлүгүнүн 3-пункту менен кылмыш иши козголгон.

Кийин ал ишке "15 миң долларды мыйзамсыз алуу жана Кара-Балта шаарында батирди кайра сатуу" деген айып боюнча ошол эле кодекстин “Алдамчылык” деген 204-беренесинин 3-бөлүгү кошулган.

Аспеков соттук жараяндарда күнөөсү далилденбегенин, "саясий негизде иш козголгонун" билдирген. Президент Садыр Жапаров анын айыптоосун четке каккан. _________________________________________
"Азаттыктын" тиркемесин көчүрүп алыңыз.
Шилтемеси:

[Kumush-Bakbolotovna]

Биз бул жашоодо убактылуу конокпуз баардык ишибиз учун Жараткан АЛЛАНЫН алдында жооп берерибизди унутпайлы

[ЖакшылыкЖолдошев]

Лапшагондор Элди камап коркутуп кайра ырайым бердим деп Шооу кылып

[РахатШерматова-лр]

Мен мындай нерсеге таң калбайм үйрөнүп бүттүк камап кайра бошотконго спектакль оюну

[koddigarbrend]

Жигит айта берет созунон катынча кайта берет болуптурда.

[СалияАкматова-рг]

Карандай жалаа Аллах бар баарын коруучу, тараза!

[МираБайс]

Калыптыр казаны кайнабайт дегендей, Кудайымдын астында эн чон куноо калп айткан!

[Kumush-Bakbolotovna]

Кыргыз элим ушундай жаман арам жашоону токтотолу

[АкунбекВайгардалрв]

Ушул бети жокторго ырайым Берген.. Карапайым калктын балдарына деле ырайым берип койсо болмок..канчасы жатат болоор болбос нерсе менен...

[ЦДС]

Кааласа каматып, кааласа соттотуп кааласа ырайым берип коюп . Келечеги туңгуюкка кетип бара жаткан мамлекетке айланды Кыргызстан.

[ГулАл-уф]

Бийлик Аспековту колдонуп анан ушундуй кылганы убадасын аткарбай койгондон чыкан чыр жакшылыка жамандык

[ЖАЛАЛАБАД-шц]

чыксын жаш боюнча ден соолуктан ажырап Мелис эми тынч эле жашай бер

[KG-twne]

Раим миллион камалат, болбосо ордуна мно мелис камалат 😂😂😂.

[Чикенган-ке]

Корупционерлер чыгышып атат, а эки соз суйлогондорчу айлап жатышат бээ куноо

[Katya-rjyy]

Не виновным тоже отпустите, мурунку президентердин да айыбы бар, чеченди койбердиго жон эле.

[azataaliev]

КАЙРАН КЫРГЫЗ ЭЛИМ, ДАГЫ ШОРУН КОП ЭКЕН .

[ИскендерКабулов]

Карапайым Адам кирсе он жылга камалат депутат министр кирсе кечирим сурагы чейин камалат😢

[Калипа_к]

Аспкековго райым бергени жакшы бул айколдук Казино Садыр мн Камчыбек баламын башына тушкон тушкон кара балээ

[АбдурасулТурдукулов-чв]

Садыр дабдырабай эртерээк кетсен боло, кааласан камап, кааласан бошотуп, конституцияны тебелеп жатасында .

[Oljobay]

🌎🕊Алга Жашасын Кыргызстан 🇰🇬✊🤲. Ырыс алды ынтымак Кыргыз Элим ✊

У Нас закон работает для простого народа на автомате, , , для элит👎 другие законы всегда так было, это сущность человека всё быстро забываем к сожалению. Есть сдвиги в экономике но судьи👎 у Нас в ручном управлении куклы у кукловода. Нет у нас независимых судьи

[kg.kyrgyz]

Мелис, чуркап чарчаганын басылыптыр. Эми акырын кадам таштап бас. Садыр, карапайым калктын баласына да ырайым берип чыгарып кой, куноосуз куноолулорду