ΖΩΗ ΑΙΚΟΝ - ΠΟΙΗΜΑ ΣΤΑ ΠΟΝΤΙΑΚΑ (VIDEO)

ΖΩΗ ΑΙΚΟΝ, ΕΙΝΑΙ ΕΝΑ ΠΟΙΗΜΑ ΣΤΗΝ ΠΟΝΤΙΑΚΗ ΔΙΑΛΛΕΚΤΟ, ΑΠΟ ΤΟ ΠΡΩΤΟ ΒΙΒΛΙΟ ΠΟΥ ΕΞΕΔΩΣΕ Ο ΝΙΚΟΣ ΓΕΩΡΓΙΑΔΗΣ ΜΕ ΤΟΝ ΤΙΤΛΟ ΠΑΤΡΙΔΑ`Μ ΑΡΑΕΥΩ ΣΕ
ΖΩΗ ΑΪΚΟΝ
ΓΙΑ ΠΑΡΑΓΓΕΛΙΕΣ ΚΑΛΕΣΤΕ 6980427955
Σ σον κόσμον όλιια εταράγαν
και ση ζωήν εμούν πολλά ελλάγαν.
Οι αρχηγοί εμάς ντό κυβερνούνε,
νουνίζνε την Ελλάδαν να πουλούνε.
Τάζνε ’μας, η Μέρκελ και ο Σαρκοζί
θα ευτάγνε κάτ’, η Ελλάδα για να ζει.
Το «Ράιχ το τέταρτον» αδά θα φέρ’νε,
τ’ ονείρτα μ’, τα ελπίδασ-ι-μ’ θα παίρνε.
Θα παίρνε και το τελευταίον το βρακί μ’.
Υπομονήν να ευτάγω όλον τη ζωή μ’;
Να λάσκουμαι αβράκωτος και πεινασμένος;
Τα υστερνά θα έρται είνας ξένος
τον τόπο μου να κυβερνά,
και λέγνε πως θα είμαι εγώ καλά.
Τον περήφανον απέσ-ι-μ’ να φουρκίζω;
«Ζιγκ χάιλ η Μέρκελ» να τσαΐζω;
Ζωήν αΐκον ’κι βαστάζω.
’Κι θέλ’ ατο! Επάρτε ’το να ησυχάζω!