Ардақ Әмірқұловтың «Абай» фильмі. «Ашық көрсетілім»

Мұхтар Әуезовтің «Абай жолы» роман-эпопеясы желісімен жазылған сценарий бойынша түсірілген керкем фильм.
Фильмге ақыннын жастық шағы, медреседе оқып жүрген кезеңдері, алғашқы өлең-жырлары мен өмірге қалыптаса бастаған азаматтық көзқарастары арқау етіп алынған. Суреткердің шебер қаламынан шыққан Абай бейнесі, оның өмір сүрген ортасы, әлеуметтік майданда қалыптасу ерекшеліктері, жастық шаққа жарасымды үміт-армандары, күйініш-сүйініш т. б. қасиеттерден жинақталған ұлы ақын тұлғасы әдеби нұсқадан экран заңдылығына сүйене отырып, мүлдем жаңа қырынан көрінеді. Фильм оқиғасы тарихи шығарма желісімен өрбітілгендіктен де, жалпы көркемдік жинақтаудың ортақ заңдылықтарынан алшақтамайды. Ширыққан тартыс романның алғашқы тарауларынан-ақ көріне бастаса, экрандық шығармадағы жас Абайдың сипаты оның айналасындағы адамдармен арақатынасы арқылы айқындалады. «Абай» фильмінің сюжеті ең алдымен Құнанбай - Абай төңірегінде өрбиді. Фильм авторлары романдағы оқиға суреттемелерін экранға көшіруде екі кейіпкер ара­сында тең қашықтықта ұстайды. Фильмдегі күмбезді ғимараттар, қазақ үй жиһаздары, актерлердің киім киістеріндегі ұлттық, ерекшеліктер біршама үндестік тапқан. Фильмнің сценарийлік қисын-жолдары қысқа әрі нақты. Тарихи-ғүмырнамалық жанр болғандықтан, онда әдеби нұсқадағы негізгі деректер сол қалпында сақталған.

#Ашықкөрсетілім #Абайфильмі #АрдақӘмірқұлов #еларнаашықкөрсетілім #еларнабағдарлама #бағдарламалар #Абайжолы #МұхтарӘуезов #Құнанбай #кинотуынды #еларнакино #Elarna

[wisekanal]

Фильм нашар, техника жағынан качества жағынан болсада ол бір, Екінішіден бұл кинода Абайдың рөлін оинаған жас бала өте нашар, оның боиынан ақындыққа жақын, өлеңге, кітапқа құмар, ақсүектің баласы боиында тектілік бар, Абайды көре алмадық, тұңғышбай көке Құнанбайды жеткізуі, сәтсіз болды деп оилаимын, себебі, ханды уәзірлерді сомдап үйреніп қалған тұңғышбай көкеміз құнанбайды бір бұхараның қамалдың басшысы қайырханды сомдап жүрген секілді көрінді. Эпизодтағы актер актрисалар жақсы Режиссердің ұтымды жерлеріде бар бірақ киноны тым әлсіретіп, боқ кір дүниелерді көп көрсеткен кино камера әдемілікті сүйет шаңның өзінде дұрысынан көрсету білу керек еді, дегенмен бұл киноның басты қаһармандардың бейнесі жоқ, жан дүниесі, табиғаты көрінбеді, әйтеуір түсіріп бітіруіміз керек дегендей қылған секілді, бұны көркемдік фильм емес, деректі фильм ретінде қабылдауға болар, сосын біздің режиссерларға айтарым қанша жерден сұлу келбетті шетелдің басқа ұлтың баласынан Абай жасап шығарам деу ол қателік, оның басына станиславскиді құиып тастасаңда шығара алмайды, Абай ол гемалай қазақтың баласына қана тән образ.