Top News - Arrestohet Florian Marku. Boksieri ndalohet në Gjermani me urdhër të Greqisë

Boksieri i njohur shqiptar, Florian Marku është arrestuar nga autoritetet gjermane. Arrestimi i tij është bërë me urdhër të autoriteteve, greke që e kanë dënuar atë me 7 vite burgim për një sherr dhe armë zjarri të ndodhur disa vite më parë në Selanik.
Për këtë sherr, Florian Marku u akuzua për plagosje dhe armëmbajtje pa leje. Marku është dënuar dhe ka bërë 1.5 vite burg për këtë ngjarje në Selanik dhe një pjesë tjetër të burgimit e ka kryer në Austri.
Megjithatë, për drejtësinë greke nuk është shlyer plotësisht dënimi i dhënë dhe është nxjerrë në Europol kërkesa për arrestimin e tij. Pas arrestimit në Gjermani, Florian Marku është ekstraduar me shpejtësi në Greqi, ku pritet që të dalë para autoriteteve dhe më pas të transferohet në një nga burgjet e vendit.
Marku e nisi karrierën në kikboksin amator pikërisht në Greqi dhe më pas kaloi te profesionistët, ku suksesin më të madhe e arriti në Austri dhe Gjermani. Më pas, ai u transferua në Angli ku ndryshoi kategorinë e sportit duke kaluar në boks.

Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.

Subscribe to "Top Channel" on YouTube Channel for NEWS and TV
#TopNews#Marku#Gjermani