Ғүмәр Әбделмәнов - Ҡойон

Показать описание

Ғүмәр Әбделмәнов - Ҡойон
(Роберт Ғәзизов муз., Сафуан Әлибай һүҙ.)

Ярһып-ярһып, өйөрөлөп,
Ҡойон уйнай, ҡойон.
Ҡалһаң ҡойон уртаһында,
Ҡыйын икән, ҡыйын.

Ҡушымта:
Юлдарыма гөлдәр шытҡан,
Ҡоштар моңо сыңлай.
Тик мин генә ниңә әле
Болоҡһонам шулай?

Шомдар һалып, кемдер ярһып
Үтте һымаҡ йырлап.
Уйҙарымды өйөрөлтөп
Алып китте йыраҡ.

Ҡушымта:
Юлдарыма гөлдәр шытҡан,
Ҡоштар моңо сыңлай.
Тик мин генә ниңә әле
Болоҡһонам шулай?

Күңелемдә өйөрөлөп
Ҡойон уйнай, ҡойон.
Тындырырға, һин янда юҡ,
Ҡыйын миңә, ҡыйын.

Ҡушымта:
Юлдарыма гөлдәр шытҡан,
Ҡоштар моңо сыңлай.
Тик мин генә ниңә әле
Болоҡһонам шулай?