Top Channel/ Parandalohet “grabitja e re e shekullit”!Gjendet tuneli i ndërtuar për grabitjen bankës

Mund të ishte një grabitje e re e shekullit, po të mos kishte qenë për një shufër metalike që do të dilte në mes të një rruge me kalldrëm.

Autoritetet në San Isidro të Argjentinës, vendndodhja e "grabitjes së shekullit" të fabuluar të vitit 2006, njoftuan të enjten se kishin parandaluar një krim të përsëritur më herët.

Të mërkurën, një shofer i cili kishte parkuar automjetin e tij dëgjoi një zhurmë në shasinë e makinës që rezultoi se ishte shkaktuar nga shufra që doli nga sipërfaqja e rrugës.

Pasi policia mbërriti në vendngjarje në periferi veriore të Buenos Aires, filloi gërmimin, ku u gjet një tunel që fillonte në një magazinë rreth 220 metra nga një degë e bankës Macro.

Një sasi e madhe dheu ishte zhvendosur dhe u zbuluan makinat e nxjerrjes.

Tuneli ishte i veshur me dru, kishte ventilim dhe dritë elektrike dhe përfundonte thuajse në derën e bankës, sipas policisë. Deri më tani, policia nuk i ka gjetur grabitësit e mundshëm.

Hetuesit thanë se ndërtimi zgjati nga gjashtë deri në nëntë muaj dhe e quajtën tunelin një sukses inxhinierik "më të mirë se ai që El Chapo Guzman" që përdori për t'u arratisur nga burgu në 2015 në Meksikë.

Incidenti të kujtonte të ashtuquajturën "grabitje të shekullit", e cila ndodhi në vitin 2006 në të njëjtin qytet luksoz, kur kriminelët, me një planifikim të përpiktë, vodhën afro 19 milionë dollarë nga një bankë dhe u arratisën përmes një tuneli.

Nga grabitja që u bë një frymëzim për shumë filma, seriale dhe libra, grabitësit përdorën armë lodrash dhe lanë një shënim në kasafortë ku shkruhej "Në një lagje me njerëz të pasur, pa armë dhe mëri, janë vetëm para".

Pamje: AFP

Departamenti i Informacionit, më i madhi, më kryesori në Top Channel, i cili shënoi fillimin e televizionit me edicionin e lajmeve në 20 dhjetor 2001. Përmes informacioneve të shpejta, të sakta dhe të thelluara, reportazheve dhe rubrikave të tjera informative, Top Channel është kthyer në burimin kryesor dhe me prestigjioz të informimit të të gjithëve në Shqipëri, në hapësirën mbarëshqiptare dhe kudo tjetër në botë ku shqiptarët jetojnë. Top Channel është i pranishëm me kamerat dhe gazetarët e tij në të gjitha ngjarjet më të rëndësishme të vendit dhe në botë, me edicionet e tij informative.

Subscribe to "Top Channel" on YouTube Channel for NEWS and TV
#BuenosAires#Tuneli#TopChannelNews