Tacəddin Şahdağlı - Gecə durnalar gedər

Показать описание

Şeir: Tacəddin Şahdağlı - Gecə durnalar gedər
Səsləndirmə: Rasim Balayev

Biraddımla'nın sosial şəbəkə ünvanları:

TACƏDDİN ŞAHDAĞLI - GECƏ DURNALAR GEDƏR

Gecə durnalar gedər,
Laçın görməsin deyə.
Gecə durnalar gedər,
Mahnı səpilər göyə.
Gecə durnalar gedər,
Həzin-həzin oxuyar.
Gecə durnalar gedər,
Uça-uça yuxulayar.
Gecə durnalar gedər,
Qanadlarında bahar.
Gecə durnalar gedər,
Göyə həzinlik yağar.
Gecə durnalar gedər,
Vətəndən qatar-qatar.
Heyif ki, bu dünyada
Vətənsizdi durnalar.

Tofiq Hüseyn:
“Bizim marketlərdə müxtəlif yerlərdən kauçuk qablarda gətirilən içməli su satırlar.Mən ən çox "Şahdağ " suyu alır və aldığım kauçuk qabın üzərindəki sözü oxuyan kimi Tacəddin Şahdağlını xatırlayıram.O Tacəddini ki, sözlərinə yazılan mahnılar illər uzunu dillər əzbəri olub.Bu mahnıları Şövkət xanım, Zeynəb xanım, Akif bəy ifa edib.Nəğməkar şair bir çoxları kimi heç kəsin qoltuğuna sığınmayıb,fəxri ad,iri maşın,televiziya kanalları naminə qapılar arxasında dayanmayıb.
Biz bir-birimizi qiyabi tanımışıq, yəni imzalarımızdan.Səksəninci illərdə "Yerli şair" adlı şeirim dərc olunmuşdu.Adından da göründüyü kimi əyalətdə yaşayan qələm adamlarına olan münasibətdən poetik dillə bəhs edən bu şeirə görə müxtəlif yerlərdən bir neçə məktub aldım.Onlardan birini Tacəddin Şahdağlı göndərmişdi.
Neçə il bundan öncə saytlarda köhnə qiyabi tanışımı axtaranda gözlərimə inanmamışdım.O vaxt 86 yaşı var idi və 1928-ci ildə doğulduğu Xırxatala kəndində yaşayırdı.İstəyirdim məktub yazıb deyəm ki,qardaş,86 yaş-dahiyanə əsərin 6 övlad; nəvə,nəticələrin isə gözəl nəğmələrin olub.Bunları sənə Şahdağın ətəyindəki o Xırxatala kəndi bəxş edib,hansı ki, mərkəzdə yaşayıb fəxri ad,cürbəcür imtiyaz alanların çoxu o yaşa,o nəvə-nəticəyə tamarzıdır.İstədim onu da əlavə edəm ki,nə yaxşı ki,Bakıda olmamısan.Tıxaclara bəlkə dözə bilərdin,ədəbi aləmdəki vur-çatlasına çətin tab gətirəydin.Sənin-mənim vurğunu olduğumuz şairlər,Ramiz Rövşən,Sabir Rüstəmxanlı,Vaqif Bəhmənli,Əjdər Ol və qeyriləri abırlarına qısılıb handan–hana gözə dəysələr də,meydan onların deyil.İndi meydan başqalarınındır.AYB-çilər, AYO-çular,altımışıncılar,doxsanıncılar var,ortada "Dəli Kür" , "Axırıncı aşırım", "Yamacda nişanə", "Dantenin yubileyi", "Kür qırağının meşələri" yoxdur.
Yazmaq istədim, ancaq yazmadım."Əyalət şairi" deyimini yada salıb öz yurdunda rahat ömür sürən qocaman ədibin,nəğməkar şairin kefinə soğan doğramaq istəmədim.
Amma qoy olsun,biz əyalət şairləriyik.Həqiqətən fərqlərimiz var; şəhərdə yaşayanlar "Şahdağ" suyunu kauçuk qabdan,Tacəddin Şahdağlı isə Xırxatala kəndində bulağın gözündən içirdi”.
#tacəddinşahdağlı #gecədurnalargedər #taceddinsahdagli #rasimbalayev #şair #şeir #biraddimla #biraddimlayol