Ynys – Caneuon (Fideo)

Ynys yw prosiect newydd Dylan Hughes, gynt o Race Horses a Radio Luxembourg, a dyma’r deunydd cyntaf iddo ei ryddhau ers y dyddiau hynny. Mae nifer o’r caneuon newydd yn seiliedig ar gannoedd o recordiau llais a grëwyd gan Dylan yn ystod y pedair blynedd diwethaf.

Recordiwyd Caneuon yn Tŷ Drwg gyda’r cynhyrchydd adnabyddus o Gaerdydd, Frank Naughton ac wedi'i gymysgu a'i fastro gan Iwan Morgan. Mae’r sengl ar gael nawr ar label Libertino.

Fideo gan gan Annes Elwy, Gwyn Eiddior a Ryan Eddleston.

[vyktorzhuravlev]

Gyda chariad o Rwsia, frodyr a chwiorydd Slafiaid :))

[TheLRider]

Mae ganddo ni fath hanes o storïau i'w ail adrodd, ddown ni fyth i'r diwedd am genedlaethau.

[drychaf]

Mae sain hafaidd, braf i'r gan hon. Petai'r geiriau yma hefyd, byddai'n neis canu ymlaen - a byddai'r alaw yn cydio'n dynnach byth!
A aeth y fodel i Glantaf? Pwy sy'n canu'r harmoni?

[drychaf]

Ro'n nhw'n fawreddog ar lwyfan yn yr Eisteddfod yn Nhregaron. Mae'r albwm Ynys yn wych, ac yn cynnwys y glasur hon.