ӘЙДӘ, КИТТЕК! / КАМА ТАМАГЫНА - автостоп / Юрьев мәгарәләре / Лобач тавы

«ӘЙДӘ, КИТТЕК!»

Яңа проект бик җитди темага багышланган – ТАССРның 100 еллыгы! Һәр тапшыруга ныклап әзерләнергә, очрашуларны алдан килештерергә кирәк. Әзерлексез килеш, гади сәяхәтче булып юлга чыксаң ничек булыр иде икән?

«Ялкын»лылар бу тәҗрибәне дә узды – Кама Тамагының иң матур урыннарын карарга чыгып киттеләр...

Сәяхәтче:
«Ялкын»ның әдәби мөхәррире Айгөл Абдрахманова
Оператор:
«Ялкын»ның видеографы Илназ Мөхәрләмов

Яңа чыгарылышларны карамый калмас өчен, безнең каналга язылырга һәм лайк куярга онытмагыз :)

Без социаль челтәрләрдә:

#экскурсия
#путешествие
#волга
#автостоп

[Beautiful-live]

Җырлап торам, торган җирем тар булса да,
Куркъмыйм, сөйгән халкым бу татар булса да;
Күкрәк биреп каршы торам, миңа милләт
Хәзерге көн мылтык-ук атар булса да.

Уңга, сулга аумыйм, һәнүз алга барам,
Юлда манигъ күрсәм, тибәм дә аударам;
Каләм кулда була торып, яшь шагыйрьгә,
Мәгълүмдер ки, курку берлән өркү харам.

Шикләнмибез дошманнарның көчендин без,
Бүгенге көн Гали, Рөстәмнәргә тиң без;
Шагыйрь гомре хәсрәт, кайгы күрсә күрер, —
Дулкынланмый тормый ич соң өлкән диңгез.

Яхшылыкка эреп китәм — балавыз мин,
Мактап сөйлим изге эшне — бал авыз мин;
Бер яманлык күрсәм, сүгәм, мактый алмыйм! —
Ул тугърыда бик явыз, ай-һай, явыз мин!

Яманлыклар тәмам мине котырталар,
Таяк берлә гүя корсакка төртәләр, —
«Нигә болай?» «Ярамый», — дип сөйләндереп,
«Тфү, чортлар! ахмаклар!» — дип төкертәләр.

Әгәр атса нахак җиргә бер-бер рами
Мине, дидим: «Дуст, бу рәмьиң һич ярамый».
«Ялгыш аттың, иптәш, кире ал, дип, угың», —
Дустлык итәм, кадалганына карамый.

Ачы булгач күңлем, шигърем ачы чыга,
Бәгъзән пешкән дип уйласам да — чи чыга;
Очырмакчы булсам былбыл күкрәгемнән,
Әллә ничек! — мыр-мыр итеп мәче чыга.

Мактаулыдыр аллы-гөлле нәрсә төсе, —
Тәмле нәрсә була күбрәк ачы-төче, —
Шулай итеп, ачы-төче язсам да мин,
Чыкса кирәк яхшы ниятемнең очы.

Пушкин илә Лермонтовтан үрнәк алам,
Әкрен-әкрен югарыга үрләп барам;
Тау башына менеп кычкырмакчы булсам,
Биек җир бит, егълырмын дип шүрләп калам.

Максуд җитәр; бара торгач — юл кыскарыр;
Әллә кайда яткан хиссият кузгалыр;
Бөкре түгел, төзәлергә кабер көтмим,
Тәңрем фәйзы минем күңлемгә эз салыр.


?