Orxan Zeynallı ft Röya Rizvanova “salam-sağol”

[doctoragayev]

Lyrics:
Danış görüm,
Necədir oralar mənsiz?
Doğrusu gec olsa da başa düşdüm
Tərk edə bilmir bədənimi yaralar qəmsiz.
Necədir hava şərtləri orda?
Saat fərqindən xəbərim yox.
Əvvəl sevinərdik yayda,
İndi istiliyə səbrim yox.

Düz deyirdin, mənə sevmək düşmür
Eyni şeyi saldı terapist beyinə.
Keyfiyyət azalır ailələrdə
Amma artır xoşbəxt meqapiksellər.
Qaçırıq evdən, məmnun işdə,
Baş aça bilmirəm mən bu işdən.
Başqa ailə davalarını izləyirik
Bu nə vərdişdir neqativ sevmək?!

İki cəhətim var idi: “yaraşıq,
İstedad” artan ildən ilə.
Birdən ikiyə düşünməmişdim
Necə düşdü cəhətlərim ikidən birə.
Kəsilən duz çörəklərin
Duzu çox gəlib sən demə çörəklər boyat.
Tək bədənimiz deil özgə,
Çoxdan ürəklər də yad.

Pisliyini istəmədim heç vaxt
Bilmirəm savabmı o?
İstəsən bir gün zəng vur oturaq
Yaxşı vaxtları yada salaq, yox?
Nə isə, boş ver getsin,
Yaxşı fikir deyil onsuz
Nolsun telefon susmur,
Nə nömrən qalıb nə salam- sağ ol.

Nə qədər yaxınsan o qədər uzaq.
Nə qədər yağışsan o qədər ocaq
Hələ də ümid var üfüqlərdə.
Səni unudum yol boyunca.

Nə qədər yaxınsan o qədər uzaq.
Nə qədər yağışsan o qədər ocaq
Hələ də ümid var üfüqlərdə.
Səni unudum yol boyunca.