Соқолим бетартиб ўсади, ота-онам олиб ташла дейишмоқда, нима қилай? | Шайх Усмон ал-Хомис

Ҳанафий мазҳабида ҳам бошқа мазҳабларда ҳам соқол қўйиш вожиб! Ота-она соқолни қиришга буюрса уларга бунда итоат қилинмайди. Чунки соқолни қириш ижмога кўра ҳаромдир, шундай экан Холиққа маъсият ишларида махлуққа итоат қилинмайди. Соқолни суннат деганлар эса уни ҳукм тариқасида эмас, балки истилоҳий маънода Расулуллоҳ саллоллоҳу алайҳи ва саллам қилган ишларга нисбатан айтишган, лекин ҳукмда эса барча мазҳабларда унинг вожиб эканлиги маълум ва маъруф.

Саҳобалар ва фуқаҳолар иттифоқи билан сақолни қириб олишлик ҳаром. Чунки Расулуллоҳ соллаллоҳу алайҳи ва саллам соқол қўйишни: «Лекин, Раббим менга мўйлабни қиртичлаб, соқолни қўйишимга буюрди», деб айтганлар. (Ибн Саъд, «Табақотул кубро»).

- Кимки билиб туриб соқолини қириб олса фосиқ бўлади, чунки вожибни тарк қилган бўлади, магар мажбурланган мустасно. Билмасдан қилганга бу каби ҳукмларда узр берилади, хусусан бугунги кунда буни эътиборга олиш керак.

- Ибн Ҳазм ва бошқалар эркак киши соқол қўйишни «фарз», деб, яна баъзилар «вожиб», деган лафзлар билан ижмоъни нақл қилганлар.

- Шунингдек соқолни қириб мўйлабни қўйиб юриш ғайридинларга ўхшашликдир: «Мушрикларга хилоф қилиб мўйлабни қисқартириб, соқолни қўйиб юринглар». (Бухорий, Муслим). Бошқа ривоятда: «Мажусийларга хилоф қилиб», дейилган. Соқолни қириб, мўйлаб қўйган мажусийларга Расулуллоҳ соллаллоҳу алайҳи ва саллам қарашдан ор қилгани ривоят қилинади.

- Эркак киши соқол қўйиб юриши вожиблиги ҳақида Тўрт мазҳабнинг қавли ҳам шу. Фақатгина Ҳанафий мазҳабида Ибн Умарнинг амалига кўра соқолни бир тутамгача (таҳминан 10-15 смдан узунроқ қисмини) қисқартириш ҳақида қавл бор.

Бироқ, ҳадисда соқолни қўйиб юринглар, деб мутлоқ буйруқ келган: демак соқолни борича қўйишликка амр қилинган. Саҳобанинг қавли ё амалини ҳужжат деб билганлар ҳам, далилга хилоф чиқмаслигини шарт қилган, шунинг учун усулийлар соқолни борича қўйиб юришни, рожиҳ кўрган. Шу билан бирга бир қабза қилиб юрганларни гуноҳ иш қиляпти дейилмаган. Негаки бир қабза қўйишлик борасида салафларда ҳам жоиз кўрилган ихтилоф бор (хилафун соиғ).

- Мўйлабни қисқартириб юришни Имом Нававий: мандуб, деб ижмоъни нақл қилган. Ибн Муфлиҳ эса Ибн Ҳазмдан: вожиб, деган ижмоъни нақл қилган, лекин «Муҳалла»да бу гап топилмаган.

- Соқолни парваришлаш, текислаб тараб, хушбўйликлар суртиб юриш суннатдир. Ва у эркак кишининг ружулати, ҳайбати ва зийнатидир.

Валлоҳу аълам

[БахтиёрБОЛТАБОЙВИЧ]

Қисқа лўнда аниқи манабу имомга хоси тушунтириш ХА .чўзиби ўтирмадилар гап йўқ.Оллох рози бўлсин сиздан.

[abduraxmonabduraxmon]

Аллох рози бўлсин сиздан шайх роббимиз илмингизни бунданда зиёда килсин Аллохумма амин

[islamic]

Alloh rozi bolsin sizdan Sheyx Usmon al homisdan va admin ya'ni tarjimondan .

[sharofmahramov]

Hammamiz ollohnikimiz, lekin ota onamizga itoatda bo’lishimiz shart...

[zuhriddinadhamov]

Ollox namozga buyrgan va ota onangizga itoat qiling deyilgan qanaqasiga

[saidobidahmedov]

Чиройлик таржима учун Рахмат Аллах Рози болсин

[alanwalker]

Bu dunyo yaralgan vaqti bunaqangi bino inshoatlar yoki hozirgi zamondagi qonunlar yo'q edi. Odamlarni o'zi bu dunyoni shunaqangi ko'rinishga olib keldi . Shunaqangi qonunlar chiqarib yubordi. Lekin 1400 yildan beri diniy qonunlar o'zgarmadi. Biz bu dunyoda qancha yashashimizni bilmaymiz, ertaga yoki indinga o'lishimiz mumkin. Olloh o'zi mag'firat qilsin!!!

[ИбрахимМурзакаримов]

админ вапше красавчик . админда Аллах томинадан берилган мутакллим сифат бор екан перевод ваше зор

[АбдуллахХоджаев-дь]

Қисқа ва чиройли жавоб Аллох рози булсин

[basidnomonov]

Saqol sunnat Ona ning sozi vojib amal deb öylardim Men

[Tarjima_kanal]

Eh, qachon meni soqolim chiqarkina 😊😇. Intizorlik bilan kutyapman.

[muslimturkiy]

Ота онани кўнглига қараш керак, уларни кўнглини чўктирмаслик керак, деяётганлар:— ота онамиз АЛЛО'Ҳ СУБҲА'НАҲУ ВА ТОЪА'ЛОнинг пайғамбари буюрган ишга қарши, савоб гуноҳнинг, ҳалол ҳаромниг фарқига бормайди, —деб камситаётганини, ўз ота онасини ёмонлаётганини ҳам билиб қўйсин.Улар мана шу суннатни ота оналарининг "кўнглига қараб" тарк қилиб, соқолларини қиртишлаб юравериб, ҚИЁМАТ КУНИда худди мана шу гуноҳлари сабабидан пайғамбаримиз соллаллоҳу ъалайҳи васалламнинг шафоатидан айрилиб, жаҳаннамга яқинлашиб қолган пайтида ҳам ота онасининг кўнглига қарай оладими ёки "сенларни дастингдан шу ахволга тушдим" деб уларни ёқасига ёпишадими?