KorYOLÇU - Biz daha yaşlı (Official Music Video)

Показать описание

Rejissor, operator & montaj: Farid Mikayıl
Mixing, mastering & beat: Drek
Yarpaq Creative Agency/Synaps Pro/2014

Verse 1.
Yığmaq asandı, itirmək çətin.
Həyat qısa, yaşamaq çox çəkir.
Bilmək asandı, danışmaq baha.
Bilib susan, insan olmaz daha.
Eyni qalsın deyə mən neyniyim, de.
Hər şey eyni qalsın, ölməyim.
- De, zamanı saxlasın.
- Zaman dayanmır - zaman ölmür, məğlub olmur, yalvarmır.
Bu sətirləri cənnətə keçid düşün.
Sadəcə, qulaq versə qanan deyil.
Alçaqlar üçün, tik yeraltı keçid.
Düşün, ver qərarı.
Sonra dəyişmək, bil, asan deyil.
Azadlıq mürəkkəb, sən ağ kağızsan.
Öləndə tək ölən insan, yazıqsan.
Çünki, öz içində belə azırsan.
Açılsa qapısı desə ki, "get, azadsan " -- tək qalarsan.

Chorus: (x2)
Zaman qoca, biz daha yaşlı.
Zaman qoca, biz anlayışlı.
Zaman qoca, biz ondan uzaq.
Zaman qoca, bəslənir yalvarışla.

Verse 2.
Haqqımda heç nə bilmədən danışma.
Həyat mənimdi, çəkil, sən qarışma.
Əcəl ilə sən - dovşan və tısbağa.
Qaçırsız hey, uduzan yox ama.
Bax, zaman çox azdı.
Mənim düşmənim zamandı.
Əgər o, bezsə bizdən, ölüm andı.
Tökülüb yerdə qalar soyuq qan; bu, intiqamdı.
Bu həyat imtahandı, o biri yoxdu, çün yalandı.
Zaman həqiqəti gec göstərir.
Gec də olsa, hər şeyi görürsən.
Müharibə, aclıq pul üstdədi.
Yanlışdı, pula görə bu gün özünü öldürürsə kimsə.
Özüvü təqdim et və denən kimsən.
Bu rap dindən uzaqdı, axtarma məscid, ya kilsə.
Ölümsüz olsa insan, zamana tərs gedərik.
Silsə keçmişi, bir qələm olub sən yaz sonu; səmimi və içdən..

Chorus: (x2)
Zaman qoca, biz daha yaşlı.
Zaman qoca, biz anlayışlı.
Zaman qoca, biz ondan uzaq.
Zaman qoca, bəslənir yalvarışla.

Mini verse.
Zaman qoca, o, bilir hər şeyi.
Zaman qoçaq, məğlub olan tərəfdəyik biz.
Zamanı daha qəddar bil.
Çünki, zamana əks gedən kəs səhv yollara düşər, amma bunu bilməz..