John Davidson - Kelty Clippie

Показать описание

John Davidson - Kelty Clippie (John Watt)
28 September 2018 - The Lade Inn - Kilmahog (Callander)

Lyrics

She's just a Kelty clippie, she'll no tak' nae advice
It's, Ach drap deid or Ah'll bile yer heid or Ah'll punch yer ticket twice
Her faither's jist a waster, her mither's oan the game
She's just a Kelty clippie but I love her just the same
I've traivelled thru' this country from shore to shining shore
From the swamps of Auchterderran tae the jungles o' Lochore
But in all these far-flung places there's nane that can compare
Wi' the lily of Lumphinnans, she's ma bonnie Maggie Blair
Frae the pyramids up in Kelty tae the mansions in Glencraig
We've trod the bings together in mony's the blyth stravaig
Watched the moonlight over Crosshill, trod Buckhaven's golden sand
And mony's the happy hoor we spent in Lochgelly's Happy Land
I remember on the 8.15 that night o' romantic bliss
I says, Ho Mag, nip yer fag, gie's a wee bit kiss
She didnae tak' this kindly, didnae like ma chaff
Being a contrary kind of bird she said, Come oan, get aff
She hasnae got nae culture, she drives me roon' the bend
Sittin' in her big armchair readin' the People's Friend
Her lapels are full of badges frae Butlins down at Ayr
And she goes to the bingo every night with the curlers in her hair
But things is a wee bit better noo, I've gone and got the ring
I won it frae Jim at the pitch an' toss, last night at the Lindsay Bing
Wi' her wee black hat and her ticket machine ma hairt she did ensnare
She's the lily of Lumphinnans, she's ma bonnie Maggie Blair