Аан Алахчын тойуга. Толорор Аина Михайлова, АГИКИ студена.

П.А. Ойуунускай "Дьулуруйар Ньургун Боотур" олоҥхотуттан быһа тардыы. Арктикатааҕы государственнай культура уонна искусство институтун норуот уус-уран култууратын кафедратын студена Аина Михайлова толорор.

Көр-бу… Көр-бу…
Аанай абабын
​Көрөллөр көрбөттөөр??!!
Көхсүттэн тэһииннээх,
​Күн-өркөн ууһун,
​Арҕаһыттан тэһииннээх,
​Ахтар айыы аймаҕын
​Аҕата буолбут
​Үрүҥ Аар тойон аҕаккам!
​Истэ сэргэҕэлээн көрүй эрэ…
​Ойон тахсар күннээх,
​Охтон баранар мастаах
​Орто туруу дойдуга
​Yс саханы
​Үөскэтиҥ диэҥҥит,
​Түөрт саханы
​Төрөтүҥ диэҥҥит
​Былыргы дьыл мындаатыгар,
​Урукку дьыл улаҕатыгар
​Саха төрдө буолбут
​Саха Саарын тойону,
​Сабыйа Баай хотуну
​Үөһээттэн этэҥҥит,
​Үрдүктэн ыйаҥҥыт
​Кэһиллибэт кэскиллээҥҥит
​Киллэрбиккит буолбаат?!!