“ŞƏHƏRİN ADI ŞUŞİ YOX, ŞUŞADIR!” – AŞPA-DA ERMƏNİLƏRƏ ETİRAZ

Strasburqda Avropa Şurası Parlament Assambleyasının (AŞPA) qış sessiyası öz işini davam etdirir. Azərbaycanın AŞPA-dakı nümayəndə heyətinin üzvü, deputat Kamal Cəfərov sessiyada Ermənistan nümayəndə heyətinin üzvünə öz etirazını bildirib. O, tarixi Azərbaycan şəhəri olan Şuşanın adını düzgün tələffüz etməyə çağırıb. Millət vəkili erməni həmkarına müzakirələrə yersiz siyasi don geydirməməyi tövsiyə edib.
Sessiya dövründə Assambleya Bürosunun və Daimi Komitənin görülən işlər barədə hesabatı dinlənilib. Assambleyanın monitorinq prosedurunun təkmilləşdirilməsı, Gürcüstanda keçirilmiş parlament seçkilərinin müşahidəsinin nəticələri, COVİD-19 vaksininin etik, leqal və praktiki tərəfləri və digər mövzularda fikir mübadiləsi aparılır. Sessiya öz işini bu gün başa vuracaq.