Wourens - Samen moar alleene

Tekst:

Weg van ’t geproat, weg van iedereene.
Die altied oaveral wa iets van vind.

Samen met mien moat, samen moar alleene.
Verzonken in gedachten, donders goed gezind.

De beeste an ’n droad, altied eam ni-jsgierig.
Zie loop ’t heele ende met ons met.

As wie ’t bos in goat, kunt ze doar niet wieter.
Zie bleart dan net zolange tot ze ons verget.

Ik bun vri-j, zo vri-j.
Samen moar alleene, alleene met ons twee.
’t Is hier mooi, zo mooi.

’t Lech baant zich een weg deur tekke en deur bla.
En wat nog wa wat deurgang oaverhuld.

Ik kiek ’n heel end vot en hier en doar dan zee ik,
Hoet zo’n stroale lech noar beneejen vult.

Ik bun vri-j, zo vri-j.
Samen moar alleene, alleene met ons twee.
’t Is hier mooi, zo mooi.

Ik komme bie de bekke, woart hooge riet mooi heersen kan.
Za’k hier oaverstekken, ik hebbe wa de lange leerzen an.

Nen hond verlus zien gang, hie ruk wat in de böske,
Moar skruk as d’r nen haas zien peadjen nump.

Hie mot en zal um vangen, moar a'k 'm roop dan wet ik
Datte zonder buit terugge bie mien kump

Ik bun vri-j, zo vri-j.
Samen moar alleene, alleene met ons twee.
’t Is hier mooi, zo mooi.
En zat die wa zult zeggen da’k mien tied verknooi
Moar loat moar wehn, ik doo d'r wa met hen.

Tekst: Wourens Roerdink
Muziek: Wourens Roerdink, Jordy Rensink, Jeroen te Brake, Kevin Dibbets, Tim Lurvink

Wourens Roerdink - Zang
Jordy Rensink - Trompet en zang
Jeroen te Brake - Gitaar, bas en zang
Kevin Dibbets - Percussie
Tim Lurvink - Toetsen

Opname: Roy's Kitchen