ЛАТТУКӮБИ 3 КОРМАНДИ МИЛИСАИ ИСТАРАВШАН АЗ СӮИ СОКИНОНИ ДЕҲАИ ЛАКАТ

9 сокини деҳаи Лакат дар канори шаҳри Истаравшан, аз ҷумла мудири мактаби ин деҳа, бо иттиҳоми латтукӯби кормандони милиса дастгир шудаанд. Ба зидди 18 сокини дигари Лакат бо иттиҳоми майдаавбошӣ парвандаҳои маъмурӣ кушодаанд.
Худи дастгиршудагон ва наздикони онҳо барои шарҳи моҷаро дастрас нестанд, вале Акбар Шарифӣ, сухангӯи РВКД вилояти Суғд дар шумораи навбатии барномаи “Милитсия хабар медиҳад”, ки рӯзи 2 июли соли 2023 нашр шуд, гуфт, ин 9 сокини Лакат санаи 31 майи соли ҷорӣ дар ҳудуди заминҳои хоҷагиҳои деҳқонӣ аз ҳиссиёти авбошӣ ба 3 корманди милисаи шаҳри Истаравшан ҳангоми иҷрои вазифаи хидматиашон дарафтодаанд.Акбар Шарифӣ ба ҷуз инки ин се корманди милиса “барои санҷиши маълумоти фаврии ба самти хидматӣ вобастабуда” ба заминҳои хоҷагиҳои деҳқонии деҳаи Лакат рафта буданд, дар бораи сабаби ба онҷо рафтани кормандони мақомот тафсилоти дигар надод. Акбар Шарифӣ гуфт, “гумонбаршудаҳои он замон мағруру ҳоло паршикаста” бо вуҷуди онки кормандони милиса дар тан либоси хидматӣ доштанду худро муаррифӣ карданд ва ҳолати кор, яъне бо чӣ мақсад ба инҷо омадани худро фаҳмондаанд, онҳоро таҳти латтукӯб қарор дода, муқобилияти ҷисмонӣ нишон додаанд ва ба милисаҳо дар роҳи иҷрои вазифаашон мамониат эҷод кардаанд.Аз ҷумла мудири мактаби деҳаи Лакат Исфандиёр Урунбоев, соли таваллудаш 1989, ба он айбдор мешавад, ки ба ҷои халос кардани кормандони милиса аз дасти ҳамдеҳагони худ, баракс бо мошин роҳро баста, пеши роҳи фирори кормандони милисаро гирифтааст.
Яке аз дастгиршудагон дар баёноташ мегӯяд, ки рӯзи занозанӣ раиси маҳалла ва вакили деҳа низ дар ҷои ҳодиса буданд, вале касе милисаҳоро халос накард, балки “Занед!” гуфтаанд.
Дар Тоҷикистон мавридҳои ба кормандони мақомот дарафтодани сокинон хеле ангуштшумор аст ва сабаби чунин бархӯрди хушунатомези сокинони Лакат нисбат ба ин се милиса ва он ҳам бо ташвиқ ва пуштибонии ба истилоҳ “калоншавандаҳои деҳа” норӯшан боқӣ мемонад. Мақомот сабаби ҳамон рӯзи 31 май ба Лакат омадани кормандони милисаро низ ошкор накардаанд.

[contentUzb]

Дар тожикистон конун кор намекунад.бо дустони шахрвандони мардуми тожикистон сабру токат мехохам салом аз узбекистон

[Берлин-ът]

Хечи вахт намондас... интизор шавед... ба наздики... сар мешава... ва имкон ба хар як кас мешава ки... касоси худро гира!!!!

[ДиловарХудойбердиев-дш]

Тожикистон гужо нига дорат коргади давлат духтари шаривани тожикойя бигоят халки мардуми тожик ояндашона кида боваркунат

[SadulloSaimurodov-zrfn]

Да сахро хам руз на медихан дехкони бечораро бо хости худшон кор кунанд

[Degnm]

Кормандои милиса хо аз хади бад гзарондагиян

[БоробороБубу]

Дуругатба дуздиданд Менто...капидан милисахоро

[xkcbwis]

Аз чаноби оли хохиш мекунем ки истаравшана коргарои органхо чудо ифлос шудаги аз калоно хочиев Сар мешавад удалид кунед

[Сазар]

Хай рости гуфтан даркор ки милисахорам ика гами халкда нестан. Меоян даебатся мекнан.. Истаравшанда бисьёр мешавад ихел ходиса. Хуб мешуд ки хами ходисара тахкики хакики мекарданд. Бачои он ки сокинонро гунахкор кунед, як назар ба кормандони худ назар андозед ВКД