❤'Уйэлээх таптал'❤

Показать описание

Таптаа бу Сир оҕото
Таптаа Сири, халлааны
Үрдүк үөрүү-хомолто
Таптыыр сүрэх талаана.
Таптыыр сүрэх араарар
Куһаҕантан күндүнү
Кини эрэ бас билэр
Сибэккини, дьолу, күнү!
Үрдүк үөрүү хомолто
Таптыыр сүрэх талаана
Таптаа бу Сир оҕото
Таптаа сири, халлааны.

Таптаабатах сүрэххэ
Күн-дьыл олох барыта
Бороҥ буолан көстүөҕэ
Чуҥкук буолуо барыта!
Таптаа бу сир кэрэтин
Таптаа, таптаа Күн курдук
Чуҥкук олох кэриэтин
Олорботох да ордук.
Үрдүк үөрүү, хомолто
Таптыыр сүрэх талаана
Таптаа бу Сир оҕото
Таптаа сири, халлааны!
❤️❤️❤️❤️❤️❤️❤️