ReExpo Beynəlxalq Daşınmaz Əmlak Sərgisi - Moskva | PMD

PMD Group MMC olaraq, sektor iştirakçıları ilə güclü və uzunmüddətli münasibətlərin qurulmasını, bazarda yeni imkanların kəşf edilməsini hədəfləyirik. Bu səbəbdən, şirkətimiz 27-28 yanvar tarixlərində Moskva şəhərində keçirilən ReExpo Beynəlxalq Daşınmaz Əmlak Sərgisində iştirak etmişdir. 8 fərqli ölkədən 80-dən çox şirkətin iştirakı ilə keçirilmiş sərgidə PMD tərəfindən həm şirkətin öz aktivləri, həm də Azərbaycanda perspektivli daşınmaz əmlak imkanları nümayiş olundu. Həmçinin sərgi çərçivəsində keçirilmiş panel müzakirəsində şirkətimizin Satış və Marketinq departamentinin direktoru İlham Allahverdiyev də çıxış edərək Azərbaycanda daşınmaz əmlaka yatırım etməyin üstünlükləri barədə ətraflı məlumat vermişdir. Gələcəkdə də şirkətimiz bu cür tədbirlərdə aktiv iştirak etməklə həm yerli daşınmaz əmlak bazarına, həm də şirkətin uzunmüddətli hədəflərinə öz töhfəsini verəcəkdir.