ERMƏNİSTAN KTMT-dən GÖZLƏDİYİNİ ALA BİLMƏDİ

Ermənistanın Azərbaycan-Ermənistan sərhədində baş verən qarşıdurmaya Kollektiv Təhlükəsizlik Müqaviləsi Təşkilatını (KTMT) cəlb etmək cəhdi baş tutmayıb. Qurumun Daimi Şurasının iclası təxirə salınıb. Bu barədə təşkilatın sözçüsü Vladimir Zaynetdinov məlumat yayıb.
“KTMT Daimi Şurasının iclasının keçirilməsi Azərbaycan-Ermənistan sərhədində vəziyyətin müzakirə ediləcəyi formatı müəyyənləşdirmək üçün təşkilata üzv dövlətlərlə əlavə məsləhətləşmələrin aparılması zərurəti səbəbindən təxirə salınıb”.
Rusiyalı politoloq Qriqoriy Trofimçuk deyir ki, rəsmi Yerevanın münaqişəyə digər ölkələri cəlb etmək istəyi baş tutmayacaq. Təşkilat Ermənistanın bu niyyətini yaxşı anlayır.
Ekspertlər sərhəddə təxribatın təsadüfi olmadığını düşünür. Politoloq, millət vəkilİ Arzu Nağıyev deyir ki, Ermənistanın qərb tipli liberal baş naziri Nikol Paşinyanın ölkə daxilində nüfuzunu bu cür yüksəltmək cəhdləri uğurla nəticələnməyəcək. KTMT-nin diqqətini münaqişəyə yönəltmək cəhdləri istənilən nəticəni verməyəcək. Politoloq hesab edir ki, beynəlxalq təşkilatların kimin təxribatçı, kimin işğalçı olmasını deməsinin vaxtı çoxdan çatıb.