Top News - Pas gjashtë muajsh sulmon ISIS / Pentagoni ngre alarmin-goditje edhe në tokë amerikane

ISIS – k në Afganistan mund të jetë në gjendje të sulmojë objektiva ndërkombëtare, madje edhe në SHBA, brenda gjashtë muajsh. Ky është alarmi i lëshuar në kongres nga zëvendëssekretari i mbrojtjes Colin Kahl, që ka shpjeguar se për momentin është e vështirë të përcaktohet se sa talebanët do të jenë në gjendje të luftojnë xhihadistët e shtetit islamik. Zv sekretari i mbrojtjes në Kongres ka përshkruar një panoramë të zymtë bazuar në informacionet e mbledhura nga 007-tat amerikane pas tërheqjes së trupave të fundit të huaja nga Kabuli.
Militantët e ISIS-k janë duke u përgatitur që të hedhin hapin e madh me një ofensivë jashtë kufijve të afganistanit, me mundësinë e një sulmi direkt edhe në tokë amerikane. Sidoqoftë, ka shpjeguar Kahl, për momentin, për shërbimet amerikane rreziku i atentateve në vend mbetet në nivelin më të ulët që nga 11 shtatori. “Komuniteti i inteligjencës- thotë zyrtari i lartë i Pentagonit – vlerëson se si ISIS-k ashtu edhe Al Kaeda, kanë si qëllim të kryejnë operacione të jashtme, edhe kundër SHBA, por aktualisht nuk kanë kapacitet ta bëjnë këtë. Por, ISIS-k, mund ta arrijë kapacitetin e nevojshëm pas gjashtë ose 12 muajsh ndërsa al kaedës do ti duhen për këtë një ose dy vite. Ndërsa mbetet i ndezur debati mbi pasojat e tërheqjes dramatike të trupave amerikane nga afghanistani pas 20 vitesh konflikt, kahl thotë se lufta, ashtu sic e kemi njohur deri më tani, ka përfunduar, por rreziku terrorist mbetet.

Pamje:AFP

Top News është televizion informativ, i hapur në shkurt të vitit 2007. I konceptuar si format news, prioritet i saj është informimi i publikut përmes lajmit të fundit. Lidhje live për politikën, aktualitetin, kronikën, ekonominë, rajonin, botën, sportin, teknologjinë dhe show biz-in. “ Informohu i pari” , slogani për 24 orë lajme . Sjellim ndryshe realitetin mediatik në Shqipëri, ofrojmë një burim informacioni të saktë, të shpejtë, të besueshëm dhe të thelluar.

Subscribe to "Top Channel" on YouTube Channel for NEWS and TV
#ISIS#Pentagoni#TopChannel

[elvisshahu]

Hahaha, dmth me gjet arsyen me u per, i prap ne afganistan ?😅🤣😂