Məhəmmədhüseyn Şəhriyar - Ulduz Sayaraq - Məmməd Səfa

📜 “ULDUZ SAYARAQ” şeiri
✒️ şeir: Məhəmmədhüseyn Şəhriyar
🔈 səs: Məmməd Səfa
_
Ulduz sayaraq gözləmişəm hər gecə yarı,
Gec gəlmədədir yar, yenə olmuş gecə yarı.
Gözlər asılı, yox nə qaraltı, nə də bir səs,
Batmış qulağım, gör nə döşürməkdədi darı.
Bir quş: "Ayığam!"- söyləyərək, gahdan inildər,
Gahdan onu da, yel deyə laylay, huş aparı.
Yatmış hamı, bir Allah oyaqdı, daha bir mən,
Məndən aşağı kimsə yox, ondan da yuxarı.
Qorxum budu, yar gəlməyə, birdən yarıla sübh,
Bağrım yarılır, sübhüm, açılma, səni tarı!
Dan ulduzu istər çıxa, göz yalvarı çıxma!..
O çıxmasa da ulduzumun yoxdu çıxan.
Gəlməz, tanıram bəxtimi, indi ağarar sübh,
Qaş böylə ağardıqca, daha baş da ağarı.
Eşqin ki qərarında vəfa olmayacaqmış,
Bilməm ki təbiət niyə qoymuş bu qərarı?
Sanki xoruzun son banı xəncərdi, soxuldu,
Sinəmdə ürək varsa, kəsib qırdı damarı.
Rişxəndilə qırcandı səhər, söylədi durma,
Can qorxusu var eşqin, uduzdun bu qumarı,
Oldum qaragün ayrılalı o sarı teldən,
Bunca qara günlərdi edən rəngimi sarı.
Göz yaşları hər yerdən axarsa, məni tuşlar,
Dəryaya baxar, bəllidi, çayların axarı.
Əzbəs məni yapraq kimi hicranla saraldıb,
Baxsan üzünə, sanki qızılgüldi qızarı.
Mehrabi-şəfəqdə özümü səcdədə gördüm,
Qan içrə qəmim yox, üzüm olsun sənə sarı.
Eşqi var idi Şəhriyarın güllü-çiçəkli,
Əfsus ki,qəza vurdu, xəzan oldu baharı.
_
#ŞeirDəftəri #SheirDefteri
#Şeir #Şeirlər #Şiir #Azərbaycan
#AzərbaycanŞeirləri #Məhəbbət
#MəhəmmədhüseynŞəhriyar #MəmmədSəfa
#UlduzSayaraq #Şəhriyar #MemmedSefa
#UlduzSayaraqGözləmişəm #Sehriyar

[BlackAngel-vy]

Şe'rdəki hüzün, peşmanlıq hissi, yaşanması yarım qalmış həyat,
Ey İnsan oğlu,
Sonraki peşmançılıq fayda verməz!
Sevdiyinizə dəyər verin!
Ey kişilər,
ümüd verib Sevdiyinizə inandırıb,
yarı yolda qoyduğunuz qadınlar ki, var!
Onların ahı ağır gələr sizə.
Qadının ahı tutmursa sizi,
bilin kı, sevgisinə layiq ola bilmədiyiniz,
O, qadının sizə verdiyi dəyər üçündü.
Yaşadığınız peşmançılıq hissi,
O hiss ki var,
Əsl sevəni ya dəli,
Yada şair edər...
Eşqinki qərarında vəfa olmayacaqmış,
Bilməm ki tə'biət niyə qoymuş,
Bu qərarı...
(Misralarım Anlayanaaa) ...