05 Rafahafahana Fafah & Dadah Mahaleo

Artistes: Mahaleo
Album: Tadidiko
Genre: Folk, World & Country
Sortie: 1997
song list:
1. Tadidiko Ry Zalahy
2. Efa Ela
3. Rehefa Maty Aho
4. Tontolo Iainana
5. Rafahafahana
6. Paiso Ra Kena
7. Voankazo Voarara
8. Iantrao
9. Salanitra
10. Volasoa
11. Meloka
12. Raha Noana Ny Kibo
13. Zanako Vavy
14. Rahoviana Indray Moa

Tiako, tiako

Ary tena faniriako
Raha ialahy no mba namana
Mety handray ireto, ireto tànana

Indrisy, indrisy

Toa mitady ny tsy misy
Fa ialahy rafahafahana
Toa mandà tsy mety, mety ho namana

Teto aho dia nipitrapitra
sy nitsiriritra
Ny tsy natao ho ahy
Nefa fitia tsy mety ritra
Mikiry sy maditra natokako ho an'ialahy

Indraindray, indraindray
Variana aho mijery an'ialahy
Manantona ireo zay tsy mitady
Fa miavona anay zay mandadilady

Inona, Inona

No hanaovan'ialahy ahy tsinon-tsinona
Manavaka trano hidirina
Sa ve ialahy mifidy fidirina

Izahay aty mijinja ny mafaitra
Mitady ny tsy laitra, tsy afaka manoatra
Hiandrasanao hitondra takaitra
Zay ngamba ianao vao taitra
Sao dia mba tara loatra

Potika, potika

Fo sy saina roti-drotika
Miantomboka ny faharavana
Mahery ilay vy, vy figadrana

Foiko, foiko

Raha ny foko no henoiko
Ny hanome ny aiko mba ho sorona
Ka ny fanaiko hitovy amin'ny vorona

Aoka aho mba ho tompon-tsafidy
Mba tsy avela hidy ty vavako miteny
Ampy ahy izay nitondra mangidy
Tsy tiako ho tadidy, reny rehetr'ireny

F'izaho sy ialahy

Hamafy hafaliana hanome
fanampiana ny mitovy amiko
Raha eo ialahy hiteny ireo nangina
Fahafahana niriana, ho an'ny taniko